На свабоду выйшаў палітвязень Яўген Чуміла. Пра гэта паведаміў прапагандыст Юры Васкрасенскі падчас стрыму 21 жніўня ў Рыгора Азаронка, заўважыла «Люстэрка».
Яўгену 31 год. У маі 2022 года Гомельскі абласны суд прызнаў яго вінаватым па артыкулах аб абразе прадстаўніка ўлады, Аляксандра Лукашэнкі, суддзі і распальванні варожасці.
Яго прыгаварылі да пазбаўлення волі, але тэрмін праваабаронцам невядомы.
Пакаранне Яўген Чуміла адбываў у папраўчай калоніі №17.
Аляксандр Лукашэнка 16 жніўня падпісаў указ аб памілаванні 30 асоб, асуджаных за «злачынствы пратэснай накіраванасці». Сярод памілаваных 14 жанчын і 16 мужчын, некаторыя з іх маюць сур'ёзныя захворванні. Таксама ёсць пенсіянеры. Канкрэтныя прозвішчы памілаваных не называюцца, сам указ не публікаваўся.
Днямі стала вядома, што сярод тых, хто выйшаў на волю, апынуліся Ксенія Луцкіна, Вольга Новікава, Ірына Санкоўская, Ала Зуева, Вольга Стаброўская, Кацярына Леў, Тамара Каравай, Святлана Паўэктава, Наталля Пятровіч і адзін з самых узроставых беларускіх палітвязняў, кіраўнік аршанскага незалежнага прафсаюзу РЭП Васіль Бераснеў.
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары