З гомельскай жаночай калоніі № 4 выйшла на волю яшчэ адна палітычная зняволеная. Раней паведамлялася аб вызваленні з гэтай калоніі напрыканцы жніўня — пачатку верасня 14 палітзняволеных-жанчын.
Яшчэ адна палітзняволеная, якая выйшла на волю — Таццяна Ліннік. Яна была асуджана 11 верасня 2023 г. судом Фрунзенскага раёна Мінска да 2 гадоў пазбаўлення волі ва ўмовах агульнага рэжыму па абвінавачванні па трох артыкулах Крымінальнага кодэкса: артыкулы 368 — абраза прэзідэнта РБ, 369 — абраза прадстаўніка ўлады, 391 — абраза суддзі альбо народнага засядацеля, піша Гомельская вясна.
Таццяна Ліннік выйшла на волю па памілаванні 20 жніўня.
На сёння ў жаночай калоніі № 4 у Гомелі налічваецца 108 палітзняволеных-жанчын. На тэрыторыі Гомельшчыны яшчэ 3 палітзняволеныя-жанчыны знаходзяцца ў жаночай калоніі № 24 у г. п. Зарэчча Рэчыцкага раёна, і 4 палітзняволеныя-жанчыны — у СІЗА № 3 ў Гомелі.
Цяпер чытаюць
Стала вядома, што цяпер адбываецца з палітвязнем Юрасём Зянковічам, якога вызвалілі па просьбе ЗША8
Каментары