Два дні таму памёр беларускі паэт Мікола Трафімчук, паведамілі ягоныя сябры ў сацсетках. Яму было 74 гады, прычынай смерці сталі двайны інсульт і інфаркт.
Мікола Трафімчук нарадзіўся 3 студзеня 1950 года ў вёсцы Восаўцы Драгічынскага раёна. У 1975 годзе скончыў філалагічны факультэт Брэсцкага дзяржаўнага педагагічнага інстытута.
Пасля працаваў у рэдакцыях раённых газет, на брэсцкім тэлебачанні, у газетах «Мінская праўда», «Звязда», «Наша доля». Быў сябрам Саюза беларускіх пісьменнікаў з 1994 года.
У 2005 годзе Трафімчук стаў заснавальнікам і галоўным рэдактарам літаратурна-мастацкага альманаха «Гоман».
Друкаваўся з 1970 года. Першая асобная кніга паэта «Трыванне» выйшла ў 1990 годзе ў выдавецтве «Мастацкая літаратура». пасля былі яшчэ зборнікі вершаў «Траекторыя» (1992), «Фэст, альбо Трыяда» (1993), «Нішта не вернецца ніколі» (1995), «Любіць Бог Беларусь» (1996) і іншыя.
Многія вершы Мікалая Трафімчука пакладзеныя на музыку: «Драгічынскі вальс», «Павуцінка», «Бацькоўскі сад», «Слуцкі казачок» і інш. Дарэчы, і сам паэт акрамя пісання вершаў умеў граць на гармоніку, які заўсёды браў на аўтарскія сустрэчы, выконваючы пад яго аўтарскія песні.
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу11
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары