Бацьку, які адсудзіў дваіх дзяцей у жонкі і вярнуўся з Бельгіі ў Беларусь, судзяць за згвалтаванне непаўналетніх
Медыя пісалі пра яго як пра чалавека з цяжкім лёсам. Цяпер Яўгена судзяць па вельмі дзіўнай крымінальнай справе — па не самых лёгкіх частках артыкулаў «згвалтаванне» і «гвалтоўныя дзеянні сэксуальнага характару».
Яўгену К. 61 год. Ён родам з Расіі, але мае грамадзянства Беларусі. Яго гісторыю распавядалі некалькі гадоў таму розныя медыя. Мужчына жыў у Бельгіі, але ў 2016 годзе развёўся з жонкай, адсудзіў у яе дзяцей і вярнуўся ў Беларусь. У Яўгена двое дзяцей — паўналетняя дачка і непаўналетні сын.
Па звестках праекта Digital intelligence team, гісторыю мужчына не выдумаў — ён сапраўды раней жыў у Бельгіі, там жа нарадзіліся і ягоныя дзеці. Праўда, дакладна невядома, калі вярнуўся сам мужчына.
Ён распавядаў медыя, што ягоная жонка пра дзяцей зусім не клапацілася і не плаціла аліментаў, а звароты ў суд нічога не давалі.
Праз год пасля вяртання Яўгену далі кватэру па льготным крэдыце, пагасіць яго ён мусіў у 2035 годзе. У 2019 годзе мужчына ўзяў у крэдыт на 12 гадоў Lada Largus і пайшоў працаваць у таксі.
У выніку ён аказаўся ў незайздроснай сітуацыі — захварэў і не мог працаваць ды плаціць па крэдытах. Яўген распавядаў, што за даўгі ў яго канфіскуюць машыну і апісалі маёмасць у доме. Насустрач сям'і пайшоў толькі банк, які даваў крэдыт на жытло і даў адтэрміноўку.
Невядома, як сапраўды жыла сям'я. Напрыклад, у міліцэйскіх рапартах ёсць інфармацыя пра тое, што дачка Яўгена сыходзіла з дому.
Адметна, што дзеці мужчыны ў нейкі момант выдалілі яго з сяброў у сацсетках.
Што здарылася далей — невядома. К. знік з усіх сацсетак і тэлеграма пасля 30 сакавіка 2024 года. Да гэтага ён у асноўным шукаў інфармацыю, як зарабіць грошы.
У пачатку снежня 2024 года яго пачынаюць судзіць. Першыя два артыкулы страшныя:
- «згвалтаванне, здзейсненае або асобай, якая раней здзейсніла дзеянні, прадугледжаныя артыкулам 167 КК або згвалтаванне непаўналетняй» (ч. 2 арт. 166 КК),
- «дзеянні сэксуальнага характару, здзейсненыя насуперак жаданню пацярпелага з прымяненнем гвалту ці пагрозай яго прымянення альбо з выкарыстаннем бездапаможнага стану пацярпелага паўторна або ў дачыненні да непаўналетняга» (ч. 2 арт. 167 КК),
- «незаконныя дзеянні ў дачыненні агнястрэльнай зброі, боепрыпасаў і выбуховых рэчываў» (ч. 2 арт. 295 КК).
Апошні артыкул можа тлумачыцца проста — Яўген займаўся скарбашукальніцтвам. Па двух астатніх нічога не ясна. Пра справу не пісалі ні сілавікі, ні незалежныя медыя.
«Наша Нiва» — бастыён беларушчыны
ПАДТРЫМАЦЬ
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары
Чушь детектед! В Бельгии такое не возможно,если супруг отказывается платить,то вместо него платит государственная контора,которая потом,в свою очередь,разбирается с неплательщиком.