Паліцыя дапытала міністра замежных спраў Ізраіля Авігдора Лібермана па падазрэнні ва ўмяшанні ў ход судовага разбіральніцтва, а таксама ў парушэнні грамадскага даверу.
Як паведамляюць афіцыйныя крыніцы, міністра дапыталі ў рамках расследавання, якое вядзецца супраць былога пасла Ізраіля ў Беларусі Зэева Бэн‑Ар’е.
Паведамляецца, што гаворка ідзе
пра перадачу Ліберману амбасадарам у Мінску сакрэтнай інфармацыі аб расследаванні супраць яго.
У ходзе расследавання ізраільскія праваахоўныя органы звярнуліся праз амбасаду да сваіх беларускіх калег з просьбай прадаставіць гэтыя звесткі.
Пасол Зэеў Бэн‑Ар’е перадаў гэтую просьбу генпракуратуры Беларусі, аднак захаваў у сябе копію дакумента. У ходзе візіту Авігдора Лібермана ў Мінск у кастрычніку 2008 года
амбасадар перадаў яму, як падазрае паліцыя, сакрэтную інфармацыю, якая знаходзілася ў яго распараджэнні.
Як адзначае паліцыя, Лібермана падазраюць у тым, што ён прасоваў Бен‑Ар’е па службовай лесвіцы ў МЗС ў мінулыя месяцы.
Цяпер чытаюць
Чацвёртую лінію мінскага метро павядуць у Дражню. А «Сляпянка» і «Даўгабродская» змянілі сваё месца5
Каментары