Гарадскіх баёў у горадзе няма.
Расійскія акупацыйныя войскі не ідуць на прамы штурм Пакроўска Данецкай вобласці, а спрабуюць абысці і акружыць горад. Пра гэта паведаміў прэс-сакратар аператыўна-стратэгічнай групоўкі войск «Хорціцкая» маёр Віктар Трагубаў у эфіры нацыянальнага тэлемарафона.
«Гарадскіх баёў у горадзе няма, да мяжы горада расіяне не дайшлі, але спрабуюць ахапіць яго праз суседнія населеныя пункты, пасёлкі, пранікаць рознымі групамі, назапашвацца і дзейнічаць далей так, каб абысці горад. Плюс — актыўнае выкарыстанне БПЛА, актыўныя дзеянні ўсіх даступных сродкаў расіян, сканцэнтраваныя ў раёне горада Пакроўск».
Трагубаў растлумачыў, што горад Пакроўск досыць вялікі і ўмацаваны, таму праціўнік не хоча ісці на прамы штурм, бо ўжо завяз у гарадскіх баях на іншых напрамках, напрыклад, у Часавым Яры і Курахаве.
Паводле яго слоў, на баі ў самім Пакроўску праціўнік зараз не разлічвае, а імкнецца абысці горад і парваць інфраструктурныя ланцужкі.
За мінулыя суткі на Пакроўскім напрамку, які застаецца адным з самых гарачых, украінскія абаронцы спынілі 38 штурмавых і наступальных дзеянняў агрэсара, дадаў Трагубаў.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»24
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары