Літаратура22

Выйшла з друку кніга-пераможца конкурсу «Шуфлядка»

У выдавецтве «Янушкевіч» выйшла кніга, якая перамагла ў конкурсе рукапісаў «Шуфлядка» — «Забойства на вуліцы Макаёнка» аўтарства Клёка Штучнага.

«У задушлівым, прыціснутым рэпрэсіямі Менску ўзору 2022 году, з пустымі афішнымі тумбамі і поўнымі аўтазакамі, закрытую суполку — Гільдыю гарадскіх варʼятаў — абляцела жудасная навіна: за вакзалам дзіцячай чыгункі пякельным механізмам задушаная Жанна Танцэн, багемны матылёк і ўдзельніца масавых маніфестацый часоў рэвалюцыі 2020-га. Зламысная сіла невядомага паходжання падбіраецца таксама да іншай гарадской легенды — вулічнай спявачкі Камароўскай Прымадонны.

Менская міліцыя, занятая паляваннем на палітычных, здае загадкавае забойства ў архіў. За справу бярэцца менскі клан Пісьменных — сумнеўны ранцье і безнадзейны халасцяк Якуб Пісьменны, яго пранырлівы кансільеры Аркадзь Табібулаеў, а таксама яго мёртвая бабка Ханя Пісьменная, якая пры жыцці была імпрэсарыа ці не ўсіх гарадскіх варʼятаў», — напісана ў анатацыі да гэтай кнігі.

Набыць кнігу можна праз сайты Knihauka.com і Allegro.pl.

Конкурс рукапісаў «Шуфлядка» праводзіцца камандай фестываля інтэлектуальнай кнігі «Прадмова». На разгляд прымаюцца рукапісы ў трох катэгорыях: «Дзіцячая і падлеткавая кніга», «Нон-фікш і дакументальная проза» і «Масавыя жанры». Прыз для пераможцаў — падтрымка выдання папяровай кнігі.

Кніга Клёка Штучнага (псеўданім Аліны Б. Карповіч) летась перамагла ў трэцяй з пералічаных катэгорый — «Масавыя жанры».

Каментары2

  • Жэндос
    31.01.2025
    Вангую, што Алина Б. Карповіч - гэта яшчэ і паэтка Ганя Фак'ю. Талент не схаваць))
  • .
    03.02.2025
    Краявід за вакзалам дзіцячай чыгункі "ўжо не той". Насамрэч значна больш жудасны за тое, што прыдумала фантазія мастака - там высокашчыльны раён Vogue, пабудаваны "Данай".

    Сучаснае гета, вынікам чаго праз гады будзе тая злачыннасць, ужо сур'ёзна.

    І казалі, што чыгунка першапачаткова была не для дзяцей, а звязвала з раёнам дачы Цанавы. Спраўдзіць тое зараз без архіваў немагчыма.

    Такія асацыяцыі адразу ад назвы і вокладкі.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Больш ніякіх ружовых касцюмаў. Стыль Наталлі Пяткевіч змяніўся кардынальна17

Больш ніякіх ружовых касцюмаў. Стыль Наталлі Пяткевіч змяніўся кардынальна

Усе навіны →
Усе навіны

Шрайбман апісвае варыянты, як пры Трампе можа скончыцца вайна ва Украіне8

ХАМАС замест загінулай закладніцы перадаў Ізраілю цела іншай жанчыны

У Гомелі даўжніка шукалі чатыры месяцы. А ён увесь гэты час у грыме і на вазку прасіў міласціну па заданні

У Беларусі пачнуць выпускаць сухія вінаградныя віны са сваёй сыравіны

Ці можа Маск адключыць украінцам Starlink? 8

Топ артыстаў новай хвалі, якія робяць песні па-беларуску11

Mark Formelle прапанаваў дызайн новых цішотак «Беларусы гавораць»7

Нацбанк пастрожыў патрабаванні да банкаўскіх картак

«Адважны лідар краіны, якая ваюе». Кіт Келаг пракаментаваў сустрэчу з Зяленскім4

больш чытаных навін
больш лайканых навін

Больш ніякіх ружовых касцюмаў. Стыль Наталлі Пяткевіч змяніўся кардынальна17

Больш ніякіх ружовых касцюмаў. Стыль Наталлі Пяткевіч змяніўся кардынальна

Галоўнае
Усе навіны →

Заўвага:

 

 

 

 

Закрыць Паведаміць