Мазырскі НПЗ прызнаў сваю стратнасць і расказаў пра павелічэнне загрузкі
У перадачы на заводскім радыё Мазырскага нафтаперапрацоўчага завода начальніца аддзела арганізацыі працы і заработнай платы пракаментавала павышэнне заробкаў работнікам прадпрыемства. Як адзначаецца, «дырэктар завода анансаваў падняцце заробку на 10%, а па факце павышэнне, згодна з разліковым лістком, склала 6,25%», піша «Флагшток».
Начальніца аддзела адзначыла, што
«ва ўмовах стратнай працы прадпрыемства і, як наступства, адсутнасці магчымасцяў для павышэння тарыфнай стаўкі першага разраду, улічваючы важнасць падтрымкі годнага ўзроўню дабрабыту работнікаў завода, кіраўніцтвам быў зроблены шэраг мер у гэтым кірунку».
Такім чынам, на Мазырскім НПЗ прызналі стратнасць сваёй працы.
Што тычыцца заробкаў, то начальніца прывяла лічбы, але не адказала адкрытым тэкстам на пытанне, чаму зарплату паднялі не на 10%, як абяцаў дырэктар.
Пры гэтым у газеце «Мозырский переработчик» згадалі аб прыпыненні дзеянняў некаторых пунктаў калектыўнай дамовы. Кіраўнік заводскага прафсаюза расказаў, што з 6 лютага да 31 сакавіка некаторыя пункты калектыўнай дамовы «на паўзе». Але падрабязнасці не раскрыў, патлумачыўшы гэта тым, што інфармацыя «даволі аб'ёмная», прапанаваўшы тым, хто цікавіцца шукаць яе самастойна, запытаўшы ў старшыняў цэхкамаў.
У газеце прадпрыемства таксама напісалі пра тое, што ў лютым «мяркуецца плаўнае павелічэнне загрузкі, што паўплывае на змяненне планавых аб'ёмаў перапрацоўкі ў сакавіку».
Раней «Флагшток» паведамляў, што завод стаў нарошчваць аб'ём вытворчасці нафтапрадуктаў, але павелічэнне перапрацоўкі можа прынесці прадпрыемству толькі новыя страты.
Па сеціве паляцела навіна пра атаку дронаў на Мазырскі НПЗ. Гэта фэйк
Зяленскі: Лукашэнка прапаноўваў мне стукнуць па Мазырскім НПЗ, я яму кажу: «Што ты гаворыш?»
Мы здабылі лічбы імпарту расійскай нафты. З іх ясна, як Лукашэнка кампенсуе страты ад санкцый
Мазырскі НПЗ пакуль так і не аднавіў аб'ёмы вытворчасці, якія былі да летняга ўрагану. Магчыма, робіць гэта свядома
Каментары