Беларусаў запрашалі ў Польшчу для працы ў транспартнай сферы, а выкарыстоўвалі на нелегальнай фабрыцы
Уладальнік польскай транспартнай кампаніі выдаваў падробленыя запрашэнні беларусам, каб тыя маглі атрымаць працоўныя візы. Аднак па прыездзе ў Польшчу іх не ўладкоўвалі на транспарт, а адпраўлялі на падпольную тытунёвую фабрыку. Ужо вядома, што ўладальніку кампаніі пракуратура горад Плоцка выставіла абвінавачанні, піша Most.
У жніўні 2024 года польскія праваахоўнікі раскрылі нелегальную вытворчасць у Жырардаўскім павеце каля Варшавы. У прыватных дамах рабочыя перапрацоўвалі тытунь і фасавалі гатовыя цыгарэты ў скрынкі для піцы. Было знойдзена 3,8 мільёна кантрафактных цыгарэт і 13,4 тоны тытуню, агульны кошт якіх ацанілі ў 14 мільёнаў злотых (каля 3,6 мільёна даляраў).
Спачатку затрымалі сямёх чалавек — трох палякаў і чатырох беларусаў, якіх абвінавацілі ў злачыннай дзейнасці і вытворчасці нелегальных тавараў. Пазней следства выявіла новых удзельнікаў схемы.
У лютым і сакавіку 2025 года арыштавалі яшчэ траіх, сярод іх — 49-гадовы мужчына, якога лічаць арганізатарам бізнэсу. Нібыта менавіта ён валодаў транспартнай фірмай і займаўся падборам кадраў.
Беларускі Гродна, дзе працуе буйная тытунёвая фабрыка «Нёман», магчыма, стаў крыніцай кваліфікаваных спецыялістаў для гэтага прадпрыемства, бо многія нанятыя беларусы мелі досвед і нават інжынерную адукацыю.
Яшчэ дваіх падазраваных — 46-гадовага мужчыну і 45-гадовую жанчыну — абвінавацілі ў датычнасці да злачыннай групоўкі і арганізацыі незаконнага ўезду іншаземцаў. Мужчын узялі пад варту, а жанчыну адпусцілі пад заклад у 70 тысяч злотых, але яна застаецца пад кантролем паліцыі.
Цяпер чытаюць
Палякі купляюць дамы ў Беларусі — цікавяцца, ці хопіць на жыццё еўрапейскай пенсіі, і радуюцца смешным выдаткам18
Каментары