Прэзідэнт ЗША рэзка ахарактарызаваў кіраўніка Расіі Уладзіміра Пуціна, заявіўшы, што той «абсалютна звар’яцеў» і беспадстаўна забівае людзей ва Украіне.
У сваім допісе Трамп адзначыў, што заўсёды меў «вельмі добрыя адносіны» з Пуціным, аднак, паводле яго слоў, расійскі кіраўнік змяніўся. Трамп заявіў, што Пуцін «абсалютна звар’яцеў» і «беспадстаўна забівае людзей», паказваючы на расійскія атакі па ўкраінскіх гарадах.
«Ракеты і беспілотнікі абстрэльваюць гарады ва Украіне без аніякай прычыны. Я заўсёды казаў, што ён (Пуцін) хоча ўсю Украіну, а не толькі яе частку, і, магчыма, гэта аказваецца праўдай, але калі ён гэта зробіць, гэта прывядзе да падзення Расіі!».
Адначасова Трамп не абмінуў і прэзідэнта Украіны Уладзіміра Зяленскага, заявіўшы, што яго рыторыка толькі ўскладняе сітуацыю.
«Усё, што выходзіць з яго вуснаў, выклікае праблемы, мне гэта не падабаецца, і лепш бы гэта спынілася», — заявіў Трамп.
Хто тая Аліна, з якой Лукашэнка танцаваў гэтым разам на навагоднім балі18
Каментары