Праваабаронцы даведаліся, што Максім Палітаў са Жлобіна, які адбываў пакаранне на «хіміі» ў горадзе Крупкі, быў вызвалены яшчэ 29 студзеня 2025 года. Інфармацыя пра гэта, аднак, пацвердзілася толькі цяпер, піша «Гомельская вясна».
Максіма Палітава затрымалі 4 лістапада 2022 года і абвінавацілі па ч. 1 арт. 342 Крымінальнага кодэкса — за ўдзел у мірных пратэстах у 2020 годзе ў Жлобіне, што ўлады інтэрпрэтавалі як «арганізацыю дзеянняў, якія груба парушаюць грамадскі парадак». Суддзя Яўген Ерафееў прызнаў мужчыну вінаватым. Пазней Гомельскі абласны суд на чале з Галінай Святко пакінуў прысуд у сіле.
У лютым 2023 года Максіма занеслі ў так званы «спіс экстрэмістаў» МУС, а ў сакавіку таго ж года беларускія праваабаронцы прызналі яго палітычным зняволеным.
Максім Палітаў — адзін з больш чым 170 жыхароў Жлобіна, рэпрэсаваных за ўдзел у мірных акцыях пратэсту супраць фальсіфікацыі выбараў і міліцэйскага гвалту ў 2020 годзе.
Каля плошчы Бангалор у Мінску вырас яшчэ адзін звышсакрэтны аб’ект13
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары