Стала вядома прозвішча яшчэ аднаго палітвязня, вызваленага летась па памілаванні
Праваабаронцы атрымалі інфармацыю пра тое, што ў жніўні 2024 года на волю выйшаў палітвязень з Гомеля Яўген Емяльянаў. Ён быў асуджаны 17 кастрычніка 2023 года, а выйшаў на свабоду праз памілаванне, даведалася «Гомельская вясна».
Фота ілюстрацыйнае
Асноўным абвінавачваннем супраць Яўгена Емяльянава была ч. 1 арт. 368 Крымінальнага кодэкса (абраза Лукашэнкі). Акрамя таго, яго прызналі вінаватым яшчэ і ў распальванні варажнечы (ч. 1 арт. 130 КК) ды садзейнічанні экстрэмісцкай дзейнасці (ч. 1 і 2 арт. 361-4 КК).
Прысуд Яўген Емяльянаў адбываў у калоніі № 17 у Шклове. 22 снежня 2023 года МУС уключыла ягонае імя ў «спіс асобаў, датычных да экстрэмісцкай дзейнасці». 30 студзеня 2024 года праваабарончая супольнасць Беларусі вызнала яго палітычным зняволеным.
Каментары