«Хтосьці ў кіраўніцтве сілавікоў вырашыў вывесці Бялюціна са «справы Аўтуховіча» і выкарыстаць іначай»
У эфіры АНТ паказалі фільм «Гарпун», прысвечаны кейсу Паўла Бялюціна — былога актывіста «Народнай Грамады», якога нібыта выманілі ў Беларусь. Згадалі і сувязь Бялюціна з Мікалаем Аўтуховічам, на якога Бялюцін у свой час напісаў данос.
Паводле фільма, Павел Бялюцін у 2016-м годзе далучыўся да руху «Разам», якім кіраваў Мікола Аўтуховіч.
Цяперашні лідар «Разам» Вячаслаў Сіўчык згадвае, што калі вярнуўся ў Беларусь з папярэдняй эміграцыі (а гэта было ў 2015 годзе), то Бялюцін быў каардынатарам руху па рынку Ждановічы. Па словах Сіўчыка, калі Аўтуховіч у 2016-м пакінуў «Разам», то Бялюцін сышоў разам з ім.
Пасля гэтага Бялюцін быў сярод паплечнікаў Аўтуховіча, аднак у 2017-м напісаў на яго данос у КДБ. Пры гэтым падтрымліваў з ім кантакт і ў наступныя гады, аж да 2020-га.
Палітолаг Сяргей Марцалеў, які таксама быў паплечнікам Аўтуховіча, расказаў «Нашай Ніве», што адбывалася далей.
У 2020-м, калі былі арыштаваныя Аўтуховіч і яго сябры, Бялюцін таксама праходзіў па крымінальнай справе.
Сяргей Марцалеў узгадвае, што Бялюцін расказваў іншым пра сваё жорсткае затрыманне па справе Аўтуховіча: маўляў, яго збівалі губазікаўцы, патрабавалі даць паказанні супраць Міколы.
«Аднак пасля гэтага Бялюцін быў асуджаны па найбольш мяккім варыянце. Хатняя хімія [за каментарыі]. У склад «групы Аўтуховіча» следчая група двух ведамстваў яго не ўключыла. Чаму — магу толькі здагадвацца. Хтосьці ў кіраўніцтве сілавікоў вырашыў вывесці Бялюціна з «справы Аўтуховіча» і выкарыстаць іначай», — разважае Марцалеў.
Мікола Аўтуховіч атрымаў 25 гадоў зняволення.
«Наша Нiва» — бастыён беларушчыны
ПАДТРЫМАЦЬЦяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі37
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары