Літоўская разведка папярэдзіла беларусаў, што іх імкнецца завербаваць КДБ
Літоўская разведка зафіксавала, што беларускі КДБ актывізаваў дзейнасць у дачыненні да беларускай дыяспары за мяжой — у Літве, Польшчы, Грузіі і іншых краінах. Паводле звестак Дэпартамента дзяржаўнай бяспекі Літвы (ДДБ), праз сацыяльныя сеткі КДБ спрабуе вербаваць беларусаў, што жывуць за межамі краіны, піша Delfi.lt.
Супрацоўнікі КДБ, як сцвярджае літоўская разведка, не хаваюць сваёй прыналежнасці да спецслужбаў і выходзяць на сувязь з прадстаўнікамі дыяспары, прапаноўваючы ім супрацоўніцтва — за грошы, новыя беларускія пашпарты, бяспечнае вяртанне на радзіму. Узамен яны чакаюць інфармацыю пра дэмакратычны рух, настроі ў асяроддзі апазіцыі і іншыя звесткі, цікавыя беларускім уладам.
Калі людзі адмаўляюцца супрацоўнічаць, КДБ ужывае ціск — пагражае бяспецы іх сваякоў у Беларусі. Акрамя таго, спецслужбы Беларусі і Расіі праводзяць псіхалагічныя і інфармацыйныя аперацыі супраць дыяспары, у тым ліку з выкарыстаннем Telegram. Праз фэйкавыя вакансіі і аб'явы іх падбухторваюць на супрацьпраўныя дзеянні, каб справакаваць канфлікты паміж беларусамі і літоўскім грамадствам.
Асобна адзначаецца, што ўзрасла колькасць нападаў на Офіс Святланы Ціханоўскай — каб перашкодзіць яе дзейнасці.
У сувязі з гэтым літоўская выведка заклікае беларусаў, што знайшлі прытулак у Літве, не паддавацца на правакацыі і папярэджвае, што супрацоўніцтва з замежнымі спецслужбамі можа мець крымінальныя наступствы.
Сын супрацоўніка беларускага КДБ вербаваў у Польшчы людзей для нападу на расійскіх апазіцыянераў
Прапаноўвалі грошы, новы пашпарт і наведванне Беларусі без наступстваў. Беларуска за мяжою расказала, як яе вербаваў КДБ
Былой сцюардэсе «Белавія» не падоўжылі ў Літве ДНЖ, палічыўшы пагрозай нацбяспецы. Яна 20 разоў з'ездзіла ў Беларусь
У беларускіх тэлеграм-каналах з’явіліся аб’явы пра вербаванне кантрактнікаў для Мінабароны РФ
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА106
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары
Ваша, ваша, ніхто не адмаўляе, але ж вы паліцесь як шпілевая чэпіга і падмышкін))
Пакуль КДБ здраднікаў сярод беларусаў толькі спрабуе вербаваць, сярод летувісаў яны ужо сфармавалі некалькі харугваў, хоць заўтра пад Грунвальд адпраўляй. Заклікаю ДДБ тэрмінова пашукаць гэтых калабарантаў напрыклад у фб-суполцы Сьвітоніса.