«Уваліўся ў літаратару, як бухі ў пад'езд». Lesley Knife выпускае кнігу «Білінгва»
У выдавецтве Grunwald у верасні выйдзе кніга музыкі Уладзіслава Наважылава (Lesley Knife) «Білінгва». Навінку можна замовіць проста цяпер праз сайт выдавецтва, піша bellit.info.
«Білінгва» — гэтаз зборнік паэзіі і прозы вакаліста Gods Tower Уладзіслава Наважылава. У кнігу ўключаны творы, напісаныя ў перыяд з пачатку стагоддзя, да нашага часу, а таксама вершы, напісаныя пасля ўцёку з Беларусі, з нагоды палітычнага пераследу.
«Я не прыйшоў у літаратуру — я туды ўваліўся, як бухі ў пад’езд. Пакуль суседзі спрачаліся, што са мной рабіць, я ўжо занасіў мэблю, расстаўляў бутэлькі з танным пойлам і ўрубаў на поўную гучнасць стары хэві метал, — піша Уладзіслаў Наважылаў з нагоды выхаду кнігі. — Я пішу не па правілах. Мае тэксты — з драпінамі, шнарамі і плямамі ад кавы. Грубае слова для мяне — не понт і не празмернасць, а цвік, які трымае канструкцыю. Калі сюжэт хоча звярнуць у падваротню — я не буду цягнуць яго назад на магістраль».
Замовіць кнігу можна паспасылцы: Grunwald.ca.
Уладзіслаў Наважылаў (Lesley Knife) — беларускі рок-музыка, сузаснавальнік Gods Tower, аднаго з найвядомейшых метал-гуртоў з Беларусі, літаратар.
Нарадзіўся ў Гомелі. З прычыны палітычнага пераследу пакінуў Беларусь, жыве ў Літве.
Аўтар тэкстаў на мяжы аўтабіяграфіі, філасофіі і іроніі. Ягоная творчасць ахоплівае тэмы памяці, культурнага разлому, духоўнага блукання і гумару як формы выжывання. Не верыць у жанры, лічыць што сучасная літаратура гэта і кпіны, і споведзь, і апошні ўздых перад новым пачаткам.
Цяпер чытаюць
Даішнік, якога збіў машынай пенсіянер пад Мінскам, памёр у бальніцы. Яму зладзілі пышнае пахаванне18
Каментары