Грамадства

У Мінску банкрутуе кампанія, якая 20 гадоў займалася сацыялагічнымі і маркетынгавымі даследаваннямі

Эканамічны суд Мінска завёў справу аб банкруцтве ТАА «Цэнтр сістэмных бізнес-тэхналогій Саціа». Гэта кампанія займалася сацыялагічнымі апытаннямі, маркетынгавымі даследаваннямі, а таксама была арганізатарам конкурсу «Брэнд года», піша Office Life.

Мяркуючы па даных, агучаных у судзе, фінансавая сітуацыя ў «Саціа» — практычна бязвыхадная. Яе крэдыторская запазычанасць ацэньваецца больш чым у 1,46 млн рублёў, прычым звыш 1 млн — доўг перад ФСАН. А актываў — менш за 160 тыс.

Прыватнае прадпрыемства «Саціа» было зарэгістравана ў Мінску ў 2003 годзе. Яго стваралі пад арганізацыю і правядзенне нацыянальнага конкурсу «Брэнд года». У кампаніі былі і іншыя буйныя праекты. Напрыклад, міжнародная канферэнцыя Advancedbranding, ініцыятыва «За сацыяльную адказнасць бізнэсу» і іншыя.

Кампанія таксама займалася навучаннем персаналу, рознымі сацапытаннямі па замовах бізнесу, праводзіла маркетынгавыя даследаванні. На працягу першых дзесяці гадоў яе ўзначальвала Жанна Грынюк, але ў 2013 годзе яна пайшла з жыцця пасля цяжкай хваробы.

У 2016 годзе кампанія «Саціа» разам з конкурсам «Брэнд года» была прададзена міжнароднаму холдынгу CIVITTA. І цяпер адным з яе заснавальнікаў з'яўляецца ТАА «Сівіта БіУай». Кіраўніцтва холдынгу тады абяцала захаваць і кампанію, і конкурс.

Суд адкрыў у дачыненні да «Саціа» конкурсную вытворчасць. Верагодна, рашэнне аб ліквідацыі кампаніі будзе прынята ўжо ў лістападзе.

Каментары

Цяпер чытаюць

Крымскі мост зруйнаваны ўдарам украінскіх ракет48

Крымскі мост зруйнаваны ўдарам украінскіх ракет

Усе навіны →
Усе навіны

У Расіі заявілі, што ўдзел Еўропы ў перамовах па Украіне з імі не ўзгадняўся. Хоць Уіткаф і Кушнер сцвярджалі адваротнае2

Былая жонка буйнога беларускага бізнэсмена прысвяціла разводу мастацкую выставу: з выкарыстанымі прэзерватывамі12

Па Мазыры панесліся чуткі пра маньяка і серыйныя забойствы. А што напраўду?

18‑гадовы аргенцінскі футбаліст памёр пасля прылёту мяча ў галаву1

Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі21

Беёнсэ стала першай артысткай, якую намінавалі на «Грэмі» 100 разоў1

Расійскі хакеіст, які амаль усю кар'еру гуляў у Беларусі, пайшоў заваёўваць Украіну і загінуў1

30‑гадовы блогер Максім Пушкін зрабіў другую перасадку валасоў. Колькі заплаціў?17

Зніклага расійскага Z-ваенкара Раманава маглі абвінаваціць у дзяржздрадзе5

больш чытаных навін
больш лайканых навін

Крымскі мост зруйнаваны ўдарам украінскіх ракет48

Крымскі мост зруйнаваны ўдарам украінскіх ракет

Галоўнае
Усе навіны →

Заўвага:

 

 

 

 

Закрыць Паведаміць