У Венгрыі расцанілі ўсмешлівы адказ Зяленскага адносна нафтаправода «Дружба» як пагрозы Будапешту
Міністр замежных спраў Венгрыі Пэтэр Сіярта звярнуўся да прэзідэнта Украіны Уладзіміра Зяленскага з заклікам не пагражаць Венгрыі. Ён заявіў, што кіраўнік Украіны выкарыстаў нацыянальнае свята, каб накіраваць пагрозы ў бок Будапешта.
Паводле слоў венгерскага міністра, Венгрыя рашуча адкідае любыя формы запалохвання і нагадвае, што павага да суверэнітэту і тэрытарыяльнай цэласнасці — асноўная каштоўнасць у міжнароднай палітыцы.
Сіярта адзначыў, што ў апошнія дні былі зробленыя сур’ёзныя ўдары па венгерскай энергетычнай сістэме, і такія дзеянні ён расцаніў як атаку на суверэнітэт краіны. Венгрыя, падкрэсліў ён, не мае дачынення да вайны ва Украіне, таму недапушчальна, каб яе суверэнітэт парушаўся.
Да сваёй заявы Сіярта прыклаў відэа з прэс-канферэнцыі Зяленскага, дзе ўкраінскі прэзідэнт адказаў на пытанне наконт ціску на прэм’ера Венгрыі Віктара Орбана пасля ўдараў па нафтаправодзе «Дружба» і ў кантэксце магчымай падтрымкі Дональдам Трампам адмены венгерскага вета на пачатак перамоваў аб уступленні Украіны ў ЕС.
Зяленскі ў сваім адказе заявіў, што Кіеў заўсёды падтрымліваў сяброўства з Венгрыяй, але цяпер існаванне гэтага «сяброўства» залежыць ад самога Будапешта.
Юрый Бланар, міністр замежных спраў Славакіі, якая таксама разам з Венгрыяй хоча працягваць атрымліваць расійскую нафту па «Дружбе», прыгразіў, што пасля ўдараў УСУ па нафтаправодзе ягоная краіна можа скараціць пастаўкі Украіне дызельнага паліва. Ён нагадаў, што славацкі НПЗ «Слаўнафт» працуе на расійскай нафце.
Зяленскі ў добрым настроі пракаментаваў удары УСУ па нафтаправодзе «Дружба» і рэакцыю на гэта Венгрыі
«Я вельмі злы з-за гэтага. Перадай Славакіі». Трамп адказаў Орбану на ягоную скаргу на ўкраінцаў
Пастаўкі нафты па нафтаправодзе «Дружба» ў Еўропу зноў спыніліся
Гарыць станцыя перапампоўвання нафты ў Бранскай вобласці, праз якую атрымлівала сыравіну Беларусь
Каментары