Венгрыя забараніла ўезд камандзіру ўкраінскага падраздзялення, адказнага за атакі на «Дружбу». Гэты вайсковец — этнічны венгр
Урад Венгрыі аб'явіў, што камандзір украінскага падраздзялення, адказны за атаку на расійскі нафтаправод «Дружба», атрымаў забарону на ўезд не толькі ў Венгрыю, але і ў краіны Еўрасаюза. Пра гэта паведаміў кіраўнік МЗС краіны Петэр Сіярта, піша «Еўрапейская праўда».
Петэр Сіярта падкрэсліў, што ўдар на нафтаправодзе стаў «нападам на суверэнітэт Венгрыі», бо ён мае ключавое значэнне для энергазабеспячэння як самой гэтай краіны, так і суседняй Славакіі.
Хоць імя вайскоўца афіцыйна не называлася, дарадца венгерскага прэм’ера пацвердзіў, што гаворка ідзе пра Роберта Броўдзі, вядомага пад пазыўным «Мадзяр». Ён паходзіць з венгерскай этнічнай меншасці, якая кампактна жыве ва ўкраінскім Закарпацці. Броўдзі сам паведаміў пра атаку 21 жніўня ў сваім тэлеграм-канале і зрабіў подпіс па-венгерску: Ruszkik haza! («Расіяне — дадому!»)
Гэтым жа разам Броўдзі, атрымаўшы вестку пра крокі венгерскага ўрада, адзначыў, што яму гэтыя санкцыі мала важныя.
«Запхніце ў сраку, спадар «танцор на касцях», вашы санкцыі і абмежаванні на наведванне Венгрыі. Я — украінец, і прыбуду на радзіму майго бацькі ўжо пасля вас. Сапраўдных мадзяраў у Венгрыі хапае, і калісьці вы ім настап*****це», — напісаў ён.
Броўдзі дадаў, што купляючы расійскую нафту венгерскі ўрад становіцца саўдзельнікам расійскіх нападаў на Украіну, у выніку якіх гінуць цывільныя людзі.
«Вы датычныя да прымнажэння крывавых грошай, якія ідуць на ракеты і «шахеды» па мірных гарадах Украіны і толькі сёння, 28 жніўня 2025 года, забілі дзясяткі ўкраінцаў у Кіеве. Вашы канечнасці — па локаць ва ўкраінскай крыві. І мы гэта будзем памятаць», — падкрэсліў вайсковец.
МЗС Украіны паабяцала ў адказ на крокі венгерскага ўрада ўвесці люстраныя меры і абвінаваціла Будапешт у тым, што ён «стаіць на няправільным баку гісторыі».
Еўракамісія са свайго боку заявіла, што «Дружба» сапраўды мае вялікае значэнне для энергетычнай бяспекі ЕС, заклікаўшы ўсе бакі гарантаваць ахову крытычнай інфраструктуры.
У той жа час спадзяванні венгерскіх уладаў, што іх забарона Броўдзі наведваць Венгрыю стане аўтаматычнай забаронай яму наведваць тэрыторыю ЕС, відаць, не спраўдзіцца. Міністр замежных спраў Польшчы Радаслаў Сікорскі адразу пасля атрымання весткі пра рашэнне венграў запрасіў «Мадзяра» ў сваю краіну:
«Пакуль расійскія ракеты сеюць смерць на Кіеў, Венгрыя забараняе ўезд адважнаму этнічнаму венгру, які адважыўся змагацца за свабоду Украіны. Камандзір Мадзяр, калі вам патрэбен адпачынак, а Венгрыя вас не пускае, будзьце нашым госцем у Польшчы», — напісаў Сікорскі ў адказ на пост Петэра Сіярта.
У Славакію зноў пачала паступаць нафта па газаправодзе «Дружба»
«Украінскія дзеці не вінаватыя ў тым, што робіць былы акцёр». У Венгрыі заявілі, што могуць спыніць пастаўкі электрычнасці ў Украіну, але пакуль не будуць
МЗС Славакіі прыгразіла, што праз удары па нафтаправодзе «Дружба» пацярпіць сама Украіна
У Венгрыі расцанілі ўсмешлівы адказ Зяленскага адносна нафтаправода «Дружба» як пагрозы Будапешту
Зяленскі ў добрым настроі пракаментаваў удары УСУ па нафтаправодзе «Дружба» і рэакцыю на гэта Венгрыі
«Я вельмі злы з-за гэтага. Перадай Славакіі». Трамп адказаў Орбану на ягоную скаргу на ўкраінцаў
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч8
Каментары
Это не Венгры виноваты, это украинцы виноваты, что все 34 года пили и веселились.