Прэм’ер-міністр Славакіі Роберт Фіца паведаміў, што на гэтым тыдні сустрэнецца з прэзідэнтам Украіны Уладзімірам Зяленскім. Пра гэта ён заявіў у відэазвароце, апублікаваным у фэйсбуку, піша «Еўрапейская праўда».
Паводле слоў Роберта Фіца, спачатку ён наведае Кітай, дзе мае правесці перамовы са старшынёй КНР Сі Цзіньпінам і прэзідэнтам Расіі Уладзімірам Пуціным, які знаходзіцца там з афіцыйным візітам. Пасля вяртання з Пекіна ў чацвер вечарам Фіца плануе паехаць на ўсход Славакіі, дзе ў пятніцу адбудзецца двухбаковая сустрэча з украінскім лідарам.
Дэталі перамоў пакуль не агучваюцца, а сама сустрэча раней не анансавалася. Калі яна сапраўды адбудзецца, то гэта будзе першая асабістая сустрэча Фіцы і Зяленскага з моманту вяртання славацкага прэм’ера да ўлады ў 2023 годзе. Да гэтага адносіны паміж Браціславай і Кіевам былі напружаныя з-за візітаў Фіцы ў Маскву і яго кантактаў з Пуціным.
Акрамя таго, 9 мая Фіца быў адзіным лідарам краін Еўрасаюза, які прысутнічаў на ўрачыстасцях у Маскве па запрашэнні Пуціна. Таксама там прысутнічаў прэзідэнт Сербіі Аляксандр Вучыч.
Фіцa параўнаў Украіну з травой падчас сэксу сланоў — МЗС Украіны адрэагавала
Прэм'ер Славакіі скокнуў у Дунай, каб даказаць, што здаровы
«Камусьці тут трэба даць тры аплявухі». Фіца выказаўся пра падлетка, які не паціснуў руку прэзідэнту Славакіі
Фіца прапанаваў Зяленскаму сустрэцца і абмеркаваць транзіт газу. Той адказаў лаканічна
«Расія ніколі нас не падманвала, у адрозненне ад Украіны». Славацкі прэм'ер пагардліва выказаўся пра Зяленскага і ўкраінцаў
Цяпер чытаюць
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ9
Каментары