Фіцa параўнаў Украіну з травой падчас сэксу сланоў — МЗС Украіны адрэагавала
Міністэрства замежных спраў Украіны асудзіла адкрыта абразлівую рыторыку прэм’ер-міністра Славакіі Роберта Фіца, які, каментуючы будучы саміт лідараў ЗША і Расіі, заявіў, што «не важна, змагаюцца сланы ці займаюцца сэксам — заўсёды цярпіць трава», маючы на ўвазе пад «травой» Украіну.
Украінскае знешнепалітычнае ведамства асудзіла адкрыта абразлівую рыторыку ў адрас Украіны і ўкраінскага народа з боку прэм’ер-міністра Славакіі Роберта Фіца, піша «Еўрапейская праўда».
У ведамстве адзначылі, што Роберт Фіцa так і не ўсвядоміў сапраўдных прычын злачыннага ўварвання РФ, а таксама небяспекі, якую нясе флірт з дзяржавай-агрэсарам.
«Крыўдна, што кіраўнік урада дзяржавы — члена Еўрапейскага Саюза дазваляе сабе адкрыта абразлівую рыторыку ў адрас Украіны і ўкраінскага народа, які штодня гераічна змагаецца з расійскай агрэсіяй, стрымліваючы яе на сваёй зямлі ў інтарэсах бяспекі ўсёй Еўропы», — гаворыцца ў каментарыі.
Напярэдадні, каментуючы саміт лідараў ЗША і РФ, Фіцa заявіў, што не мае значэння, пра што дамовяцца Дональд Трамп і Уладзімір Пуцін — больш за ўсё пацярпіць Украіна.
«Памятаеце старую афрыканскую ісціну, якую я так люблю паўтараць? Не важна, змагаюцца сланы ці займаюцца сэксам, заўсёды цярпіць трава. Незалежна ад таго, чым скончацца перамовы сланоў 15 жніўня, пацярпіць трава — у дадзеным выпадку, Украіна», — заявіў Фіцa.
У МЗС Украіны асудзілі такую рыторыку.
«Гэта легкадумнасць, якая абражае памяць загінулых, пакуты мільёнаў украінскіх сем’яў і самаахвярнасць тых, хто змагаецца за свабоду», — заявілі ў МЗС.
У ведамстве дадалі, што заявы Роберта Фіца дысаніруюць з духам добрасуседства, салідарнасці і ўзаемапавагі, якія ўвесь гэты час дэманструе славацкі народ у дачыненні да Украіны.
«Таму сваімі заявамі спадар Фіцa абражае і свой народ», — падкрэслілі ў МЗС.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары