Намеснік старшыні Рады бяспекі Расіі пагражае Бельгіі знікненнем пасля слоў міністра абароны краіны Тэа Франкена аб магчымым адказе NATO на ядзерны ўдар Расіі.
Падставай стаў каментар бельгійскага палітыка часопісу Humo, дзе ён заявіў, што калі Уладзімір Пуцін запусціць ракету па Бруселі, то «NATO зраўняе Маскву з зямлёй».
У адказ Мядзведзеў назваў Франкена «неразумным» і пагражаў прымяненнем «сапраўднай зброі канца свету» — падводнага дрона «Пасейдон» з ядзерным рухавіком, піша Bild.
Расійскія СМІ сцвярджаюць, што пры выбуху каля ўзбярэжжа такі апарат здольны выклікаць радыеактыўнае цунамі. Пуцін раней паведаміў пра паспяховыя выпрабаванні гэтай сістэмы.
Калі адзін з карыстальнікаў у сацсетцы прапанаваў выкарыстаць Бельгію як «тэставы палігон» для атамных выбухаў, Мядзведзеў адказаў: «Тады Бельгія знікне…». Франкен адрэагаваў у Instagram, напісаўшы, што NATO не ваюе з Расіяй і не збіраецца пачынаць вайну.
Расійскае пасольства ў Бруселі назвала словы бельгійскага міністра «правакацыйнымі і абсурднымі». Скандал разгарэўся на фоне росту ядзернай напружанасці: на гэтым тыдні ЗША і Расія амаль адначасова заявілі аб аднаўленні ядзерных выпрабаванняў пасля дзесяцігоддзяў мараторыю.
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін3
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1818
Каментары