Грамадства88

На паперы высаджана 400 кустоў, на месцы — ніводнага. Сілавікі ўзяліся за азеляненне ў гарадах

Чыноўнікі пішуць прыгожыя справаздачы пра тысячы высаджаных новых дрэў, але беларускія гарады чамусьці не становяцца больш зялёнымі. Пракурорскія праверкі выявілі, што колькасць дрэў і кустоў спраўна расце выключна на паперы.

Высадка дрэваў на суботніку ў Магілёве. Фота: Магілёўскі гарвыканкам

Самыя яскравыя прыклады «віртуальнага» азелянення знайшліся ў Магілёве. Супрацоўнікі камунальнай гаспадаркі паведамілі, што ля дома №8 на вуліцы Крывуліна высаджаныя ажно 79 туй. Вечназялёнае дрэва магло б стаць упрыгожаннем двара. Аднак праверка выявіла ўсяго 10 раслін гэтага віду ў азначаным месцы. Куды падзеліся яшчэ 69 туй — пытанне рытарычнае.

Яшчэ цікавейшая сітуацыя склалася на кальцы вуліц Каштанавай і Крупскай. Паводле дакументаў, тут павінна была расці густая жывая агароджа з біручыны — больш за 200 кустоў. Пракуроры разам са спецыялістамі абышлі кольцы з усіх бакоў, але не знайшлі ніводнай расліны. Калі ў камунальнікаў папрасілі паказаць пальцам, дзе ж тыя кусты, ім не было што адказаць — жывая агароджа існавала выключна на паперы.

Не лепш сітуацыя і на праспекце Шміта. Там па дакументах цягам двух гадоў высадзілі 600 дрэў. Але без належнага догляду саджанцы папросту загінулі ў бур’яне ростам з чалавека. Толькі пасля ўмяшання пракуратуры тэрыторыю пакасілі, а замест сухіх дубцоў пасадзілі новыя дрэвы.

Праблема тычыцца не толькі Магілёва. Маштабная праверка Генпракуратуры паказала, што сітуацыя з азеляненнем па краіне далёкая ад ідэалу.

За апошнія дзевяць гадоў мясцовыя выканаўчыя камітэты так і не забяспечылі распрацоўку і зацвярджэнне схем азелянення для 57 гарадоў краіны. Без гэтых дакументаў нельга планамерна ствараць паркі, скверы і абнаўляць зялёныя зоны.

Не нашмат лепшая сітуацыя і там, дзе схемы ёсць: у 65 з 112 гарадоў і пасёлкаў не выконваюцца нават мінімальныя нормы па плошчы грамадскіх азелянёных тэрыторый.

У Пінску, Віцебску, Слоніме, Барысаве, Ашмянах, Жыткавічах і шэрагу іншых гарадоў паказчыкі азелянення аказаліся ўдвая ніжэйшыя за неабходныя.

Асноўная прэтэнзія пракурораў — фармальны падыход. Часта дрэвы гінуць проста таму, што іх ніхто не даглядае. Планы па пасадках зрываюцца, а высечаныя дрэвы не кампенсуюцца новымі.

Прыкладаў безгаспадарчасці хапае па ўсёй краіне. У Калінкавічах яшчэ ў пачатку года высеклі частку сквера, але аднаўляць яго ніхто не спяшаецца. У Краснапольскім раёне замест амаль 600 запланаваных дрэў высадзілі толькі 220. У Лёзненскім раёне «забыліся» высадзіць 40 дрэў на тэрыторыі воінскага пахавання.

Па выніках праверкі Генпракуратура праінфармавала Савет Міністраў пра рэальны стан спраў. У Магілёве кіраўнік камунальнага прадпрыемства ўжо атрымаў афіцыйнае патрабаванне ліквідаваць парушэнні. Цяпер адказным асобам давядзецца заняцца работай над памылкамі і нарэшце высадзіць тыя дрэвы і кусты, якія дагэтуль існавалі толькі на паперы.

Каментары8

  • Алё
    24.11.2025
    - трэба пасадзіць...
    - Ужо едзем!
    - ... пару дрэўцаў.
    - ааа... ну гэта справа тонкая, тут спецы патрэбныя.
  • 111
    24.11.2025
    Что деревья и кусты, у нас по бумагам капремонт в доме сделали, а по факту его не было.
  • Ну
    24.11.2025
    У нас уся краіна - спрэс фармальнасць. Наконт сітуацыі, калі на дзяржаўных прадпрыемствах крадуць: дык а вы думалі, людзі будуць жыць на афіцыйныя заробкі ў 1-2 тыс. рублёў? У каго будзе магчымасць, той будзе красці.

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць