Намеснік Свята-Аляксееўскага Лаўрышаўскага мужчынскага манастыра ігумен Арыстарх (Драздоў) памёр на 54‑м годзе жыцця, паведамілі ў сінадальным аддзеле Беларускай праваслаўнай царквы.
Ігумен Арыстарх (Драздоў Міхаіл Міхайлавіч) амаль дваццаць пяць гадоў прысвяціў святарскаму служэнню і з іх дванаццаць гадоў служэнню Госпаду ў манаскім чыне, піша прэс-служба БПЦ.
Нарадзіўся 11 мая 1972 года ў Гомелі ў сям'і рабочых. Пасля заканчэння васьмі класаў паступіў у Гомельскі дарожна-будаўнічы тэхнікум і, скончыўшы яго з адзнакай, працягнуў навучанне ў Гомельскім політэхнічным інстытуце.
З 1996 па 2001 гады навучаўся ў Мінскай духоўнай семінарыі.
2 верасня 2001 года быў рукапакладзены ў сан дыякана, а 18 верасня таго ж года — у сан іерэя.
Пасля заканчэння навучання ў Мінскай духоўнай акадэміі быў накіраваны на служэнне ў Гомельскую епархію.
З 24 верасня 2004 года па 15 чэрвеня 2022 года з'яўляўся штатным святаром Свята-Петра-Паўлаўскага кафедральнага сабора горада Гомеля.
У 2013 годзе прыняў манаскі пострыг.
З 18 чэрвеня 2022 года аж да сваёй смерці ігумен Арыстарх (Драздоў) быў намеснікам Свята-Елісееўскага Лаўрышаўскага мужчынскага манастыра.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў22
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары