Тайланд нанёс авіяўдары па камбаджыйскіх ваенных цэлях на спрэчнай мяжы дзвюх краін
Ён называе гэта адказам на напад камбаджыйскіх войскаў.
Паводле тайландскіх даных, у нядзелю загінулі двое тайландскіх салдат і яшчэ чацвёра былі параненыя, піша Бі-бі-сі.
Камбоджа адмаўляе, што яе войскі нападалі на тайландцаў. Яна сцвярджае, што тайландцы напалі першымі, а камбаджыйцы ўстрымаліся ад адказных дзеянняў.
Каралеўская армія Тайланда ў панядзелак заявіла, што знішчыла фунікулёр, які быў збудаваны камбаджыйцамі для падвозу зброі.
Памежная спрэчка паміж Камбоджай і Тайландам мае даўнюю гісторыю, і чарговае абвастрэнне здарылася ў ліпені, калі баі на мяжы працягваліся пяць дзён і забралі дзясяткі жыццяў.
Затым бакі падпісалі пагадненне аб спыненні агню пры пасрэдніцтве Малайзіі. Да гэтых намаганняў таксама падключыўся прэзідэнт ЗША Дональд Трамп: ён патэлефанаваў лідарам дзвюх краін і прыгразіў перапыніць тарыфныя перамовы з імі, калі баі не спыняцца. У кастрычніку ён спецыяльна зрабіў прыпынак у Малайзіі, каб прысутнічаць пры падпісанні мірнай дэкларацыі дзвюх краін.
Камбоджа за гэтыя намаганні намінавала Трампа на Нобелеўскую прэмію міру і заяўляе, што застаецца прыхільнай яго мірнай «здзелцы»
Цяпер чытаюць
«Праца прапагандыстаў наўрад ці чысцейшая за нашу». Экс-палітвязні адкрылі ў Варшаве свой клінінг — як пайшло?1
«Праца прапагандыстаў наўрад ці чысцейшая за нашу». Экс-палітвязні адкрылі ў Варшаве свой клінінг — як пайшло?
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1818
Каментары