Майстар з Жыткавіцкага раёна робіць чаўны па старадаўняй традыцыі — з суцэльнага дуба і з правільным вяслом
Леанід Швец жыве ў вёсцы Перароў — ён захоўвае традыцыю вырабу прыпяцкага чоўна. Традыцыі, дарэчы, нададзены статус гістарычна-культурнай каштоўнасці, пішуць «Моцныя навіны».
Мужчына кажа, што рабіў чаўны яшчэ ягоны дзед — ад яго засталіся інструменты: гэблік, капыл, струг, цёслы. Імі зараз працуе і ўнук.
Човен адрозніваецца ад лодкі тым, што робіцца з суцэльнага дрэва шляхам выдзёўбвання. Патрэбная дубовая калода — гэта дарагі матэрыял, і нават не кожны дуб пасуе для вырабу.
Яшчэ адзін сакрэт у тым, што вясло робіцца індывідуальна пад «кіроўцу». Па даўжыні яно павінна быць роўным росту гаспадара чоўна, а шырокая частка — з яго далонь, інакш веславаць будзе складана і нязручна.
Затое добра зроблены човен вельмі хуткі і манеўраны на вадзе.
Захаванне гэтага майстэрства падтрымана дзяржаваю: «Традыцыя вырабу прыпяцкага чоўна ў вёсцы Перароў Жыткавіцкага раёна Гомельскай вобласці» мае статус гістарычна-культурнай каштоўнасці Рэспублікі Беларусь.
Цяпер чытаюць
«Я тая самая ў футры». Маладая швачка працавала ў футры, пакуль дзяржТБ расказвала, што на фабрыцы ў Жлобіне не холадна10
Каментары
Плюс водички изделие впитает по-любому… осядет знатно.
обслуживание… да ты поди и сам знаешь.