«Я доўгі час маўчала. Мая душа нібыта замерла». Спявачка Іна Афанасьева выпусціла першы кліп пасля вымушанай паўзы
Народная артыстка Беларусі Іна Афанасьева, якая больш не можа выступаць на радзіме праз траплянне ў «чорныя спісы», выпусціла кліп. Адбылося гэта на 40 дзень пасля смерці маці: «Няхай гэтая песня стане суцяшэннем для кожнага, хто страціў блізкіх і родных».
Песня называецца «Эта боль».
Іна Афанасьева напісала на сваё старонцы ў інстаграме:
«Я доўгі час маўчала. Мая душа нібыта замерла. Мама заўсёды пыталася ў мяне: чаму я не спяваю? Я ёй адказвала — не хачу… Мне так было прасцей ёй сказаць. Яна вельмі хвалявалася, і я пра гэта ведала.
Пазней, калі з’явіліся песні, якія я захацела спяваць, я падумала, што мама будзе вельмі рада таму, што ў мяне з’явілася гэтае жаданне вярнуцца ў музыку. Я рыхтавала ёй сюрпрыз і ўсім вам, хто гэтага чакаў. Але 40 дзён таму адбылося тое, што адбылося… Няхай гэтая песня стане суцяшэннем для кожнага, хто страціў блізкіх і родных. А што далей? Далей будзе шмат песень, якія я напоўню святлом і любоўю. Дзякуй, што так доўга чакалі».
У каментарах на YouTube людзі пішуць, што плакалі, калі слухалі песню, і дзякуюць Іне за тое, што яна вярнулася.
Раней сын Іны Афанасьевай Іван Стральцоў, які цяпер працуе акторам у Рызе і не можа вярнуцца ў Беларусь па зразумелых прычынах, распавядаў, што беларускія ўлады пакаралі маці праз яго палітычную пазіцыю:
— Чалавеку, які ўсё жыццё быў на сцэне, узялі і забаранілі выступаць! Але ж я ведаю, што яе дагэтуль чакаюць слухачы. Я сам бачыў каментары ў інстаграме, што людзі пішуць, што чакаюць яе канцэрт, чакаюць, калі яе зноў пакажуць па тэлевізары… Вядома, адбылося гэта ў тым ліку і праз мяне. Але маё меркаванне і мае дзеянні — толькі мае. Я адказваю за свае словы. Усё, што я раблю, ніяк не тычыцца маёй мамы, дзіцяці, былой жонкі.
«Нечым трэба заўсёды ахвяраваць. Мне прыйшлося ахвяраваць сям'ёй»: сын Іны Афанасьевай пра павароты лёсу
Спявак Аляксей Хлястоў цяпер працуе ў таксі
Аляксей Хлястоў, які пайшоў у таксісты, стаў героем інтэрнэту. Беларусы запусцілі флэшмоб, каб падтрымаць спевака з чорнага спісу
Вядомае музычнае шоу «СамШазам» закрылася ў Беларусі. Мікіта Найдзёнаў расказаў, чаму перазапускае яго ў Варшаве
У СІЗА КДБ адшукаўся падпалкоўнік Зара, якога сілавікі лічаць аналітыкам Сахашчыка. Як ён апынуўся ў Беларусі — невядома12
Каментары