Расійскі футбаліст Лайанэл Адамс загінуў ва ўзросце 31 года. Паводле інфармацыі «Матч ТВ» са спасылкай на паліцыю, ён выпаў з акна шматпавярховага дома ў падмаскоўным Звянігарадзе.
Перад гэтым, напрыканцы снежня, спартсмен трапіў у інцыдэнт каля аднаго з рэстаранаў Масквы: яго паранілі з пісталета і збілі. Паведамлялася, што ў той момант ён знаходзіўся ў стане алкагольнага ап’янення. З бальніцы ён выехаў самавольна, не папярэдзіўшы дактароў.
Падчас сваёй гібелі ён знаходзіўся ў гасцях у свайго сябра, варатара махачкалінскага «Дынама» Цімура Магамедава, з якім разам трапіў і ў папярэдні інцыдэнт. Што стала прычынай ягонага выпадзення ці выкідання з акна, пакуль нявядома. Гучаць версіі як пра забойства, так і пра самазабойства.
За час сваёй кар’еры Адамс памяняў шмат клубаў: маладзёжны склад маскоўскага ЦСКА, краснаярскі «Енісей», КамАЗ з Набярэжных Чаўноў, клубы з Казахстана, Беларусі, Арменіі, Чарнагорыі, Іспаніі. Акрамя таго, гэты футбаліст у 2011 годзе правёў адзін матч за зборную Расіі да 18 гадоў.
Як правіла, ні ў адным клубе ён больш чым на сезон ці ягоную частку не затрымліваўся. У 2019 годзе Адамс згуляў 17 матчаў і за беларускую «Іслач».
У 2025 годзе футбаліст згуляў адзін матч за клуб «Алга» з Кыргызстана, а на момант смерці ніякага кантракту не меў і быў свабодным агентам.
Цяпер чытаюць
Памятаеце Таццяну Зарэцкую, якая са скандалам звальнялася з Кабінета Ціханоўскай? У Эстоніі яе падазраюць у махлярстве, арыштавалі 1,8 млн еўра на яе рахунках26
Каментары