Ці можа таксіст адмовіцца везці пасажыра з лыжамі і санкамі? Можа, але не заўсёды
Спроба заказаць таксі, калі чалавек хоча ехаць з дзіцячымі санкамі або лыжамі, можа скончыцца тым, што кіроўца адмовіцца перавозіць багаж — і ў некаторых выпадках ён будзе мець на гэта права. Адвакатка, кіраўніца юрыдычнай кансультацыі Добрушскага раёна Вікторыя Раманчыкава патлумачыла, у якіх сітуацыях перавозіць інвентар можна, а ў якіх — не, піша «Мінская праўда».
Асноўнае правіла: багаж павінен адпавядаць тэхнічным магчымасцям аўтамабіля. Ручная паклажа павінна свабодна праходзіць у салон і не перашкаджаць кіроўцу, а буйныя рэчы — цалкам змяшчацца ў багажніку.
Законныя прычыны для адмовы з боку кіроўцы:
- Памеры: рэчы (напрыклад, доўгія лыжы або вялікія санкі) фізічна не змяшчаюцца ў аўтамабіль або багажнік.
- Чысціня: інвентар мокры, брудны ці пакрыты снегам і можа забрудзіць салон.
- Бяспека: перавозка рэчаў можа стварыць рызыку для кіроўцы або пасажыраў (напрыклад, калі рэчы не замацаваныя).
Адмова будзе неправамернай, калі невялікія чыстыя лыжы ў чахле або разборныя санкі лёгка змяшчаюцца ў салон ці багажнік, а кіроўца адмаўляецца іх везці без аб’ектыўных прычын.
Такім чынам, наяўнасць зімовага інвентару сама па сабе не з’яўляецца падставай для адмовы. Рашэнне залежыць ад стану, памераў і магчымасці бяспечна і акуратна размясціць рэчы ў канкрэтным аўтамабілі.
Цяпер чытаюць
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў54
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1717
Каментары