Мукавозчык нафантазіраваў свой дыялог па тэлефоне з Калеснікавай. Ніякай размовы, натуральна, не было
Прапагандыст Андрэй Мукавозчык у новай калонцы на сайце «СБ. Беларусь сёння» апублікаваў стэнаграму тэлефоннай размовы з Марыяй Калеснікавай, якая нібыта пазваніла яму сама. У рэальнасці ўсё гэта аказалася хворай фантазіяй.
Як высветліла «Наша Ніва», Марыя Калеснікава не тэлефанавала Андрэю Мукавозчыку і не збіралася гэтага рабіць.
Для галоўнай газеты адміністрацыі Лукашэнкі Мукавозчык нафантазаваў, што выпушчаная на свабоду з калоніі ў снежні палітзняволеная Марыя Калеснікава набрала яго, каб перадаць: «Вы ж разумееце, што я і мы ўсё адно вернемся? У дрэнным варыянце — на «Леапардах», але мы ж хочам па-добраму».
Таксама Калеснікава «прапанавала» вярнуць у краіну незалежныя СМІ і інфлюенсераў, якія «не будуць уступаць у канфрантацыю з рэжымам», а таксама некамерцыйныя прыватныя арганізацыі ўзамен на еўрапейскае фінансаванне, якое будзе Беларусі на карысць.
Усе гэтыя прапановы Мукавозчык адхіляў: «Мы будзем вас бамбіць, бамбіць у інфармацыйнай сферы, пакуль Эйсмант жывы». Скончыў прапагандыст свае выдумкі брыдотнай фразай: «Не будзе ў вас новага бліцкрыгу, геносе штутгартфюрар. Можаце засунуць сваю дудачку ўзад».
«Наша Нiва» — бастыён беларушчыны
ПАДТРЫМАЦЬЦяпер чытаюць
Зяленскі: Рэтранслятары на мяжы Беларусі прыпынілі працу61
Каментары
"Прапагандыст Андрэй Мукавозчык у новай калонцы на сайце «СБ. Беларусь сёння» апублікаваў стэнаграму тэлефоннай размовы з Марыяй Калеснікавай, якая нібыта пазваніла яму сама."