Фігурыст з Казахстана Міхаіл Шайдораў сенсацыйна выйграў золата Алімпіяды
Фаварыт Гульняў амерыканец Ілля Малінін праваліў свабодную праграму.
Фігурыст з Казахстана Міхаіл Шайдораў сенсацыйна ўчора выйграў золата Алімпіяды ў мужчынскім адзіночным фігурным катанні. Фаварыт гульняў амерыканец Ілля Малінін — толькі восьмы.
Фаварытам гульняў лічыўся 21‑гадовы грамадзянін ЗША Ілля Малінін, які нарадзіўся ў сям'і рускіх фігурыстаў Таццяны Малінінай і Рамана Скарнякова, якія выступалі на чэмпіянатах СССР і Расіі, а на міжнародным узроўні за Узбекістан.
Малінін лідзіраваў пасля кароткай праграмы, аднак дапусціў вялікую колькасць памылак у свабоднай праграме, мінімум двойчы ўпаў. Суддзі ў свабоднай праграме паставілі яго на 15‑е месца, выніковае (сумуецца кароткая і свабодная) — 8‑е месца.
Чэмпіёнам гульняў стаў спартсмен з Казахстана Міхаіл Шайдораў (сярэбраны прызёр чэмпіянату свету 2025), яму таксама 21 год.
Японец Юма Кагіяма заваяваў срэбра, трэцяе месца заняў таксама спартсмен з Японіі Сюн Сата.
Міхаіл Шайдораў выступаў 19‑м у свабоднай праграме, а Малінін апошнім 24-м.
Пасля выступу спартовец, што выходзіць у лідары, сядае побач з астатнімі фігурыстамі, і было вельмі цікава сачыць за эмоцыямі Міхаіла, які бачыў як валіліся супернікі. Спачатку ён не мог паверыць, што заваяваў як мінімум бронзу, потым — срэбра, а пасля нізкіх балаў Малініну, Шайдораў быў у шоку.
У нядзелю на Алімпіядзе пройдзе кароткая праграма ў парным катанні, у панядзелак — свабоднае катанне.
Дзясятка найлепшых краін пасля сямі дзён Алімпіяды
За «экстрэмісцкія» падпіскі пры праверцы на мяжы больш не саджаюць на суткі15
Каментары
п.с. добра адкатаўся, малайчына.