Грамадства22

Севярынец: Кантралёрам у ШІЗА сумна. Таму ўключаюць «дыскатэку»

Экс-палітвязень у сваім фэйсбуку напісаў пра музыку на радыё, якую ўключалі ў Шклоўскім ШІЗА.

«Адна з самых запамінальных рэчаў у Шклоўскім ШІЗА — «дыскатэка». Пакуль на калідоры ізалятара грае музыка — ты абавязаны стаяць на «расцяжцы» ля прымкнутай да сцяны нары. Звычайна музыку ўключаюць, калі пачынаецца праверка — а гэта значыць, стаіш з выкручанымі рукамі і расстаўленымі нагамі, пакуль дзяжурны памочнік начальніка калоніі не абыдзе ўсе 23 камеры ШІЗА і не выслухае «даклады» вязняў. Бывае паўгадзіны, бывае і гадзіну. 

А зранку ў Шклове адчыняюць фрамугі — і таму, напрыклад, зімой «дыскатэку» ты слухаеш, дрыжучы ад сцюжы ў сваёй баваўнянай «марлі», пакуль у цябе з рота валіць пара. Бо адчыняюць іншыя камеры, і ўсё ШІЗА прадзьмувае скразнякамі. І не захінешся, не згрупіруешся, каб цяплей — «расцяжка».

Кантралёрам у ШІЗА сумна. Хочацца хаця б паслухаць музыку ды пазабавіцца. Таму ўключаюць «дыскатэку» і любуюцца па камерах, як вязні кідаюцца да нараў і раскірэчваюцца.

Добрая змена праз хвілін 20 гукне з калідора — «А-адбой расцяжка!» А кепская — так і пакіне, гадзінкі на паўтары. «Інцярэсна жэ, пусць эці паліцічэскіе научацца родзіну любіць».

Калі ўключалі «Душэўнае радыё», яшчэ туды-сюды. Там, бывае, і «Песняры» праскочаць, і Цой, і нават «Вецер пераменаў» «Скорпіёнс!». А вось калі «Пілот», «Народнае» альбо мясцовае — хоць вешайся.

Так і згадваеш чорны гумар: «Сёння ў нас у лагеры — дыскатэка! Кулямётчык Ганс пракруціць тры кулямётныя дыскі».

Дарэчы, на фота ў хлопца два ручнікі. Па-багатаму. Дазволены адзін, прычым толькі выціраць рукі. Абматаеш вакол шыі — напішуць паперу за парушэнне формы адзення», — напісаў Павел Севярынец.

Каментары2

  • Бываў
    02.03.2026
    А калі ня станеш - могуць і дручкамі па нагах адхадзіць.
  • Пільны
    02.03.2026
    Што,Севярынец-малодшы так і напісаў(сказаў?): "ля прымкнутай да сцяны нары."? НАРЫ ў белмове толькі множнага ліку:яны -нАры.Калі ж адзночны,то гэта ўжо нарА!..

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць