Пасля некалькі гадоў скарачэння ў Беларусі зноў стала расці колькасць аграсядзіб
У Беларусі пасля некалькіх гадоў значнага скарачэння ўпершыню крыху павялічылася колькасць аграсядзіб. Пра гэта сведчаць апошнія статыстычныя звесткі, апублікаваныя Белстатам, піша Thinktanks.pro.
Масавае змяншэнне такіх аб’ектаў пачалося ў 2021 годзе пасля ўзмацнення дзяржаўных патрабаванняў. Найбольш сур’ёзным ударам стала абавязковая перарэгістрацыя ў 2023 годзе, якую не прайшла больш за палова аграсядзіб.
Перарэгістрацыя была ўведзена ўказам Лукашэнкі №351 «Аб развіцці аграэкатурызму». Улады тлумачылі гэта тым, што неабходна спыніць сітуацыі, калі пад выглядам аграсядзіб фактычна вядуць гатэльны або рэстаранны бізнэс. Яшчэ адным узмацненнем правіл стала патрабаванне з 1 кастрычніка 2024 года абавязкова плаціць унёскі ў Фонд сацыяльнай абароны насельніцтва.
У выніку колькасць аб’ектаў аграэкатурызму значна скарацілася: паводле Белстата, з 2021 да 2024 года яна зменшылася з 3150 да 1408.
У 2025 годзе сітуацыя крыху змянілася. Колькасць аграсядзіб павялічылася на 33 аб’екты.
Рост адзначаны амаль ва ўсіх рэгіёнах, акрамя Гомельскай вобласці, дзе цяпер дзейнічае 116 такіх аб’ектаў. Найбольш аграсядзіб знаходзіцца ў Мінскай вобласці — каля 480.
Усяго за 2025 год у аграсядзібах адпачылі каля 427,6 тысячы чалавек. Большасць з іх — жыхары Беларусі. У параўнанні з папярэднім годам колькасць гасцей павялічылася прыкладна на 44,9 тысячы чалавек.
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1919
Каментары