Пад Паставамі за 10 тысяч даляраў выставілі па продаж цэлую вёску
У Пастаўскім раёне на продаж выставілі на продаж цэлую вёску з каларытнай назвай Весялуха. Аб'ект размешчаны ўсяго за 6 кіламетраў ад Пастаў, піша «Смартпрэс».
Вёска складаецца ўсяго з трох дамоў і знаходзіцца ў прыватнай уласнасці. Агульная плошча зямельнага ўчастка — 2 гектары. На тэрыторыі ёсць уласная сажалка. Гэта цікавая прапанова для вялікай сям'і, для стварэння аграсядзібы, агратурыстычнага комплексу, фермы або загараднай рэзідэнцыі.
Месца вылучаецца маляўнічым размяшчэннем: вакол лес, побач працякае рака. Пры гэтым вёска знаходзіцца не на праязной дарозе, гаворыцца ў аб'яве.
З камунікацый ёсць калодзеж і электрычнасць. Таксама пазначана, што магчыма мадэрнізаваць падстанцыю і павялічыць магутнасць электразабеспячэння да 100 кВт на ўсю вёску.
Кошт аб'екта — 9 990 даляраў.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары