У ноч на 5 красавіка Украіна здзейсніла маштабную атаку на прамысловую зону горада Кстова Ніжагародскай вобласці. Галоўнай цэллю стаў завод «Лукойл-Ніжагароднафтааргсінтэз» — чацвёрты па велічыні НПЗ у Расіі, размешчаны за 800 кіламетраў ад лініі фронту.
На відэа з сацыяльных сетак відаць моцнае полымя над тэрыторыяй завода.
Пад удар трапіла і Навагоркаўская ЦЭЦ. Гэта крытычны аб'ект, які забяспечвае НПЗ і ўсю прамзону электрычнасцю, парай і цяплом. Без працы гэтай станцыі стабільнае функцыянаванне завода немагчымае.
Губернатар Ніжагародскай вобласці Глеб Нікіцін заявіў пра збіццё 30 беспілотнікаў над Кстоўскім раёнам.
Кстоўскі НПЗ — стратэгічны аб'ект, які працуе з 1958 года і мае магутнасць 17 мільёнаў тон нафты за год. Ён вырабляе шырокі спектр паліва: ад бензіну да авіяцыйнага керасіну, забяспечваючы як цывільны сектар, так і вайсковую лагістыку РФ.
Адначасова з гэтым паступіла інфармацыя пра пашкоджанне нафтаправода ў раёне порта Прыморск (Ленінградская вобласць).
Цяпер чытаюць
У Мінску прадаюць дом на вадзе. Колькі просяць за незвычайны аб'ект на Чыжоўскім вадасховішчы?3
Каментары
Надо, чтобы русские глушили свои нефтевышки, аедь хранилищ нет.
Правильно, надо парализовать порты, отгрузку и нефтепереработку и война закончится.