Зборная Францыі перамагла Сенегал у першым матчы на мундыялі. Але гэта было нялёгка
Зборная Францыі ўдала стартавала на чэмпіянаце свету па футболе 2026 года, перамогшы каманду Сенегала ў матчы першага тура групы I з лікам 3:1. Сустрэча адбылася на стадыёне «Метлайф» у Іст-Ратэрфардзе ў ЗША.
Першы тайм завяршыўся без забітых галоў, хоць абедзве каманды мелі магчымасці вызначыцца. А адкрыты быў лік толькі на 66‑й хвіліне: лідар французскай зборнай Кіліян Мбапэ атрымаў перадачу ад Майкла Алісэ і дакладным ударам вывеў сваю каманду наперад.
На 82‑й хвіліне французы павялічылі перавагу. Брэдлі Баркала, які выйшаў на замену ўсяго за дзве хвіліны да гэтага, здолеў забіць другі гол і значна ўскладніў задачу для сенегальцаў.
У дадатковы час каманда Сенегала здолела вярнуць інтрыгу: на 90+ 5‑й хвіліне Ібрагім Мбае забіў мяч і скараціў адставанне да мінімуму. Аднак ужо праз хвіліну Кіліян Мбапэ зноў адзначыўся голам, аформіў дубль і ўстанавіў канчатковы вынік сустрэчы — 3:1 на карысць Францыі.
У 2‑м туры групы I французская каманда сустрэнецца з Іракам (23 чэрвеня), у 3‑м туры — з Нарвегіяй (26 чэрвеня). Сенегал у 2‑м туры згуляе з Нарвегіяй (23 чэрвеня), у 3‑м туры — з Іракам (26 чэрвеня).
Зорную Іспанію ў матчы супраць сціплага Каба-Вэрдэ спыніў 40‑гадовы брамнік па мянушцы «Бабуля». Вось што пра яго вядома
Упершыню ў гісторыі на чэмпіянатах свету па футболе згулялі маці і сын
Адны нічыі. Вынікі футбольнай ночы на мундыялі
Грозныя іспанцы не змаглі нічога зрабіць са зборнай Каба-Вэрдэ
Перапынкі «для гідратацыі» на чэмпіянаце свету раздражняюць не толькі вас
Цяпер чытаюць
Колькі беларусаў атрымалі польскае грамадзянства за апошні час. Лічбы ўражваюць36
Каментары