Ва Украіне анансавалі прымяненне ўласных балістычных ракет ужо гэтай восенню
Украінскія вайскоўцы могуць ужо восенню атрымаць на ўзбраенне новыя айчынныя балістычныя ракеты і выкарыстоўваць іх для ўдараў па тэрыторыі Расіі. Пра гэта заявіў у інтэрв'ю журналісту Дзмітрыю Гардону ўладальнік і галоўны канструктар кампаніі Fire Point Дзяніс Штылерман.
Па словах Дзяніса Штылермана, цяпер праходзіць заключны этап выпрабаванняў новай ракеты. Пасля завяршэння тэставых запускаў яна можа паступіць на ўзбраенне, а канкрэтныя цэлі для яе прымянення будуць вызначаць вайскоўцы. Штылерман выказаў меркаванне, што першымі цэлямі могуць стаць важныя аб'екты на тэрыторыі Расіі.
Ён адзначыў, што тэрміны прыняцця ракеты на ўзбраенне залежаць ад вынікаў выпрабаванняў рухавіка. Калі падчас стэндавых тэстаў будуць выяўлены недахопы, іх плануюць аператыўна ліквідаваць.
Кампанія Fire Point з'яўляецца адным з буйных падрадчыкаў Узброеных сіл Украіны. Яна выпускае дальнабойныя ўдарныя беспілотнікі FP-1, а таксама крылатыя ракеты FP-5 «Фламінга».
Пра распрацоўку балістычных ракет FP-7 і FP-9 кампанія паведаміла ў верасні 2025 года. У лютым 2026‑га быў прадэманстраваны першы выпрабавальны запуск ракеты FP-7. Паводле апублікаваных раней звестак, FP-7 разлічаная на далёкасць палёту да 250—300 кіламетраў, а FP-9 — да 850 кіламетраў.
Яшчэ ў чэрвені прэзідэнт Украіны Уладзімір Зяленскі заяўляў, што краіна істотна наблізілася да стварэння ўласнай балістычнай ракеты, здольнай паражаць цэлі на тэрыторыі Расіі. Паводле яго слоў, развіццё ракетнай праграмы і вытворчасці дальнабойных сродкаў паражэння павінна ўмацаваць абарончыя магчымасці краіны.
Украіна таксама працягвае працу над ракетным комплексам «Сапсан» («Гром-2»), заяўленая далёкасць палёту якога складае каля 500 кіламетраў. Пра пачатак яго серыйнай вытворчасці паведамлялася ў 2025 годзе, а пазней украінскія ўлады заявілі і пра першае баявое прымяненне гэтай ракеты.
Заснавальніка найбуйнейшага ўкраінскага вытворцы дронаў, кампаніі Fire Point, спыталі пра ўзровень беларускай СПА. Яго адказ здзівіў
Міністэрства абароны Расіі заявіла, што Украіна ўпершыню ўжыла балістычную ракету вялікай далёкасці
Украіна ўдарыла пяццю «Фламінга» па заводзе ў Валгаградзе, дзе вырабляюць «Арэшнік»
Дзе «Фламінга» і наколькі яна эфектыўная? З'явіўся аналіз усіх вядомых атак нашумелымі ўкраінскімі ракетамі
«Кайлас, я іду». Што за беларуска знікла ў жудасным селі ў Непале6
Каментары
Цікава мне іньшае колькі дзля " пэтрыота" ракет магчыма было набыць за грошы спі...асвоенныя гэтым " канструктарам"
На 2026- 27 хапіла бы Кіев захісціть ?