А тыя, хто не захоча праявіць сябе на працоўным месцы, адправяцца ў войска, паабяцаў Лукашэнка.
Сёння Аляксандр Лукашэнка прыляцеў у Брэст.
Адразу па выхадзе з верталёта ён пакруціў носам — «захаплення няма». «Я чакаў большага, шчыра кажучы! Увогуле нядрэнна, але захаплення няма … » — сказаў ён.
Пазней ён абазначыў «самую вялікую праблему».
«Самая вялікая праблема — адсутнасць тэхналагічнай дысцыпліны. Усё мы ўмеем рабіць, калі ёсць дысцыпліна. Усё можам, калі ёсць дысцыпліна», — расказаў ён.
Лукашэнка зноў паабяцаў тых, хто, на яго думку кепска працуе, нейкім чынам адпраўляць у войска: «Тыя, хто не захоча праявіць сябе на працы, той зможа праявіць сябе ў арміі».
«Трэба наш народ прывучаць да дысцыпліны, хаця гэта і непапулярна з маіх вуснаў», — сказаў ён.
Масавыя арышты афіцэраў прайшлі на авіябазе ў Мачулішчах — абвінавачваюць у сувязях з апазіцыяй46
Каментары
[Зрэдагавана]