«Няхай самі ядуць». У Мінску здзівіліся цэнам на хатнія закаткі
На адным са сталічных рынкаў у мікрараёне Уручча-3 звярнулі ўвагу на цэны на прадукты хатняй кансервацыі. Аказалася, што звычайныя закаткі каштуюць даволі дорага, што выклікала здзіўленне ў патэнцыйных купцоў, піша Tochka.by.
Літровы слоік марынаваных агуркоў каштуе 15 рублёў. Прыкладна столькі ж просяць за асарці з агуркоў і памідораў. Паўлітровы слоік шчаўя абыдзецца ў 10 рублёў, а такая ж колькасць мёду — у 16 рублёў.
Цэны актыўна абмяркоўвалі ў сацсетках. Некаторыя карыстальнікі палічылі іх завышанымі і адзначылі, што значна больш выгадна рабіць закаткі самастойна.
Адна з жанчын напісала, што ў яе шчаўе настолькі добра ўрадзіла, што яна запоўніла ім маразільнік, пачаставала суседзяў, а рэшту адправіла ў кампост. Таму аддаваць 10 рублёў за банку, якой хопіць на адзін раз прыгатаваць страву, яна не бачыць сэнсу. Хай, маўляў, ядуць самі.
Іншыя таксама адзначалі, што аддаюць перавагу ўласнай кансервацыі, бо самі ведаюць, з чаго яна зроблена і які рэцэпт выкарыстаны. Некаторыя нават пажартавалі, што цяпер зразумела, навошта гаспадыні кожны сезон закатваюць па некалькі соцень слоікаў.
Цяпер чытаюць
Першага намесніка гендырэктара «Белвеста» пасадзілі на тры з паловай гады за палітыку1
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1616
Каментары
[Зрэдагавана]