Выйшла калектыўная манаграфія пра сучасную Беларусь на англійскай мове
Брытанскае выдавецтва Routledge выпусціла Routledge Handbook of Contemporary Belarus — вялікі міждысцыплінарны даведнік пра сучасную Беларусь пад рэдакцыяй даследчыка Аляксея Кажарскага, піша Bellit.info.
У кнізе сабраныя работы даследчыкаў пра міжнароднае становішча Беларусі, трансфармацыю палітычнага рэжыму і пратэсты, грамадзянскую супольнасць, адукацыю і моўную палітыку, нацыянальныя меншасці, а таксама пытанні гісторыі, ідэнтычнасці і гістарычнай памяці.
Сярод аўтараў выдання Міраслаў Янковяк, Вікторыя Леўкавец, Марыя Даніловіч, Генадзь Коршунаў, Вольга Канановіч, Андрэй Сцяпанаў, Вольга Сасункевіч, Аляксей Ластоўскі, Пётра Рудкоўскі і іншыя.
Усяго ў выданні — больш за 20 тэматычных раздзелаў, якія прапануюць шырокі погляд на Беларусь з перспектывы паліталогіі, сацыялогіі, гісторыі, міжнародных адносін і іншых дысцыплін.
Больш даведацца пра кнігу, пабачыць поўны змест, а таксама заказаць можна на сайце Routledge.
Цяпер чытаюць
Беларускія рэпетытары ў паніцы: праз праблемы «Яндэкса» яны могуць страціць матэрыялы, якія напрацоўвалі гадамі27
Каментары
Кніга выдавалася галоўным чынам для міжнароднай аўдыторыі, а не для беларускага чытача.
Беларусы маюць магчымасць атрымаць доступ да тэкстаў бясплатна, калі напішуць рэдактару.
(Вокладка - дызайн беларускай мастачкі, а расійскі трыкалор мае зусім іншыя адценні:) )
Пра доступ для беларусаў зразумеў, дзякуй.