ЕС і Канада ствараюць новы альянс з удзелам іншых краін, але без ЗША, Кітая і Расіі
Еўрасаюз і Канада рыхтуюць стварэнне новага міжнароднага альянсу P4M — «Партнёры дзеля шматбаковасці, міжнароднага права, міру і росквіту». Яго прадставяць у аўторак на палях Генеральнай асамблеі ААН у Нью-Ёрку, піша Bild.
Акрамя ЕС і Канады, да ініцыятывы далучыліся Бразілія, Кенія, Індыя і Аўстралія. Альянс будзе адкрытым фарматам, да якога ў будучыні змогуць далучыцца іншыя дзяржавы.
Удзельнікі плануюць умацоўваць міжнароднае супрацоўніцтва і ролю ААН, а таксама сумесна працаваць над пытаннямі штучнага інтэлекту, змены клімату і барацьбы з пандэміямі. Ініцыятары лічаць неабходным «наводзіць масты» паміж краінамі з рознымі палітычнымі традыцыямі.
Новая група ўзнікае на фоне росту саперніцтва паміж буйнымі дзяржавамі і крызісу традыцыйных міжнародных фарматаў. У будучыні яна можа стаць альтэрнатывай «Групе дваццаці» (G20), дзе супрацоўніцтва ўсё часцей ускладняецца рознагалоссямі паміж вядучымі дзяржавамі.
Акрамя таго, ЕС ужо прапанаваў Канадзе стаць першым у гісторыі «асацыяваным членам» Еўрасаюза. Гаворка ідзе пра асабліва цеснае супрацоўніцтва ў эканоміцы, тэхналогіях, энергетыцы і абароне.
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь8
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары