Netflix плануе скараціць каля 1000 працоўных месцаў, што складае прыкладна 6% яе персаналу. Прычынай стала запаволенне росту бізнэсу кампаніі. Пра гэта гаворыцца ў электронным лісце, які кіраўнікі платформы Грэг Пітэрс і Тэд Сарандас даслалі супрацоўнікам 14 кастрычніка.
У канцы мінулага года ў Netflix працавалі каля 16 тысяч чалавек. Чакаецца, што скарачэнні закрануць, у прыватнасці, аддзелы кадраў, юрыдычны і тэхналагічны падраздзяленні.
Некалькі тыдняў таму Тэд Сарандас прызнаў на адной з канферэнцый, што кампанія расце павольней, чым яму хацелася б. Пры гэтым Netflix па-ранейшаму застаецца відавочным лідарам рынку відэастрымінгу. Паводле апошніх звестак, у канцы 2025 года яе паслугамі карысталіся больш за 325 мільёнаў хатніх гаспадарак. Цяпер кампанія публікуе колькасць падпісчыкаў толькі час ад часу.
Кіраўнікі Netflix падкрэслілі, што кампанія працягне інвеставаць у напрамкі з высокім патэнцыялам росту, але пры гэтым будзе вымушаная больш строга вызначаць прыярытэты і кантраляваць выдаткі.
У мінулым годзе Netflix спрабавала набыць кінавытворчы бізнэс галівудскай кампаніі Warner Bros., але прайграла канкурэнцыю медыягрупе Skydance, якая прапанавала больш высокую цану.
Цяпер Skydance разлічвае стварыць моцнага канкурэнта Netflix, аб’яднаўшы ўласную стрымінгавую платформу Paramount+ з сэрвісам HBO Max, які належыць Warner.
На наступным тыдні Netflix павінна апублікаваць вынікі працы за апошні квартал.
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары