Хакеры цалкам знішчылі воблачную інфраструктуру аднаго з найбуйнейшых расійскіх хостынг-правайдараў Beget
Адзін з лідараў расійскага рынку вэб-хостынгу, кампанія Beget, зазнаў катастрафічную кібератаку. Воблачная інфраструктура аказалася цалкам знішчанай, сотні тысяч сайтаў і сэрвісаў спынілі працу на некалькі дзён, а частку інфармацыі ўжо не ўзнавіць. Beget пад санкцыямі ЕС за супрацоўніцтва з Міністэрствам абароны РФ і працу на акупаваных тэрыторыях Украіны.
Атака адбылася ў ноч на 2 лістапада 2026 года і паралізавала ўсе ўзроўні архітэктуры правайдара. Пра гэта прадстаўнікі правайдара паведамілі ў сваім тэлеграм-канале.
У воблачным сегменце (VPS, S3 і Kubernetes) былі беззваротна страчаныя ўсе працоўныя даныя кліентаў і бінарныя рэзервовыя копіі, а файлавыя рэзервовыя копіі атрымаецца выратаваць толькі для паловы карыстальнікаў. Пацярпела нават унутраная база самой кампаніі, дзе зніклі сувязі паміж акаўнтамі і паслугамі. Больш за 1000 фізічных сервераў інжынерам давялося правяраць і чысціць ад шкоднасных механізмаў уручную, а каб пазбегнуць шматмільённых пазоваў за прастой бізнэсу і страчаныя базы даных, Beget афіцыйна абвясціў кліентам пра наступленне «форс-мажору».
Удар па Beget стаў адным з самых чуллівых інфраструктурных інцыдэнтаў у расійскім сегменце інтэрнэту. Кампанія ўваходзіць у лік найбуйнейшых гульцоў на рынку Расмм, утрымліваючы больш за 13—15% усіх даменаў у нацыянальных зонах (.ru,.рф,.su). Паводле розных ацэнак, у 2026 годзе на магутнасцях правайдара размяшчалася ад 400 да 700 тысяч сайтаў.
З ліпеня 2026 года Beget знаходзіцца пад санкцыямі Еўрасаюза за супрацоўніцтва з Міністэрствам абароны РФ і працу на акупаваных тэрыторыях Украіны. Менавіта праз еўрапейскія абмежаванні летам гэтага года кампанія была вымушаная закрыць свой дата-цэнтр у Латвіі і сканцэнтраваць серверы ўнутры Расіі, дзе іх у выніку і дасталі хакеры.
«Наша Нiва» — бастыён беларушчыны
ПАДТРЫМАЦЬЦяпер чытаюць
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»29
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2323
Каментары