Палітык заўважыў чужы нумар на сваёй машыне ў нядзелю, 18 ліпеня. Як паведаміў Міхалевіч у каментары Еўрарадыё, невядомыя памянялі толькі задні нумар, не крануўшы пярэдні.
Алесь Міхалевіч: «Пярэдні нумарны знак застаўся з маім нумарам, а ззаду быў прымацаваны зусім іншы нумарны знак, выдадзены ў Мінску. Давялося цэлую гадзіну правесці ў раённым аддзеле міліцыі, напісаць заяву пра тое, што хтосьці замяніў нумарны знак, і здаць яго ў дзяржаўную аўтаінспекцыю».
Па словах Міхалевіча, яму не ўдалося даведацца, каму ж належаў чужы нумар — акурат у гэты час у міліцыянтаў «завісла» камп’ютарная база даных па аўтамабільных нумарах.
Міхалевіч не бачыць палітычных матываў у замене знаку і мяркуе, што стаў ахвярай дзіцячага свавольства.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс1818
Каментары