Больш за сотню бельгійскіх студэнтаў былі выдаленыя з борта самалёта ірландскай бюджэтнай авіякампаніі Ryanair пасля таго, як учынілі на борце «бунт»,перадае BBC.
Маладыя людзі мелі вылецець у нядзелю з Канарскіх астравоў у Бельгію.
Адзін з пасажыраў адмовіўся аплачваць перавышэнне мінімальнага нарматыву ручной паклажы, які складае 10 кг. Астатнія студэнты зладзілі беспарадкі, каб выказаць салідарнасць з ім. Камандзіру паветранага судна давялося выклікаць па радыё грамадзянскую гвардыю (паліцыю). Паводле інфармацыі газеты La Provincia, падчас высаджвання бунтаўнікоў з борта самалёта гвардзейцам не давялося ўжываць сілу.
Гвардзейцы вывелі ўсіх пасажыраў з самалёта і праверылі кожнага з іх.
Са 168 пасажыраў, якія знаходзіліся на борце, менш за 70 былі пасля дапушчаныя на рэйс.«У выніку беспарадкаў паліцыя з меркаванняў бяспекі вырашыла адмовіць ўсёй групе ў вылеце», — гаворыцца ў заяве іспанскага Міністэрства ўнутраных справаў.
Некаторыя студэнты Брусэльскага ўніверсітэта змаглі вылецець іншымі рэйсамі, але каля 70 па стане на вечар нядзелі заставаліся ў Лансаротэ — ім не хапіла месцаў на борце іншых самалётаў.
Вылецець у Брусэль усе пакінутыя студэнты не змогуць раней за аўторак. Каля 40 месцаў ёсць на рэйс да Дзюсельдорфа, адкуль давядзецца дабірацца ў Брусэль іншымі рэйсамі. У аўторак 40 чалавек змогуць вылецець у
Бельгійскае консульства, даўшы зразумець, што кошт авіяпералёту павінныя аплаціць самі пасажыры, вядзе перамовы з Ryanair аб вызваленні пасажыраў ад платы за звышнарматыўную ручную паклажу, якая і стала падставай для беспарадкаў.
