Народнае паўстанне ў Лівіі: праваабаронцы паведамілі пра 24 загінулых
У Лівіі ў выніку сутыкненняў дэманстрантаў з супрацоўнікамі органаў правапарадку, якія працягваюцца з аўторка, загінулі не менш за 24 чалавекі.
Пра гэта паведаміла ў пятніцу, 18 лютага, агенцтва Reuters са спасылкай на заяву міжнароднай праваабарончай арганізацыі Human Rights Watch. Раней паведамлялася пра 19 загінулых.
Па дадзеных агенцтва, у пятніцу маюць прайсці пахаванні загінулых, якія могуць перарасці ў новыя беспарадкі.
У той жа час у сацыяльных сетках у Лівіі паведамляецца прыкладна пра 50 загінулых у выніку сутыкненняў.
Антыўрадавыя дэманстрацыі ў Лівіі пачаліся ўвечары 15 лютага і прайшлі ў найбуйнейшых гарадах краіны Бенгазі,
Выступленні ў Лівіі — адным з найбуйнейшых экспарцёраў нафты ў свеце — адбываюцца на фоне антыўрадавых маніфестацыяў, якія ахапілі цэлы шэраг краін Блізкага Усходу і Паўночнай Афрыкі.
Нагадаем, 11 лютага пасля трохтыднёвых масавых акцый пратэсту сышоў у адстаўку прэзідэнт Егіпта Хосні Мубарак, які кіраваў краінай больш за 30 гадоў. Раней гвалтоўная змена ўлады адбылася ў Тунісе. У Бахрэйне ўлады сілай разганяюць дэманстрантаў. Масавыя акцыі пратэсту прайшлі таксама ў Алжыры і Йемене.
Што вядома пра жанчыну, якая загінула ў аўтобусе, што вёз беларускіх футбалістаў-школьнікаў у Геленджык?18
Каментары