Магілёўскія бібліятэкі арганізуюць курсы камп'ютарнага навучання для пенсіянераў
У пяці бібліятэках Магілёва 1 кастрычніка адкрыюцца курсы камп’ютарнага навучання для пенсіянераў.
Як паведаміла дырэктар Цэнтралізаванай сістэмы дзяржаўных публічных бібліятэк Магілёва Галіна Краўчанка, рашэнне аб адкрыцці курсаў было прынята пасля маніторынгу грамадскай думкі, праведзенага бібліятэкамі вясной гэтага года. «У прапановах магіляўчан была просьба адкрыць курсы камп’ютарнага навучання для людзей пенсійнага ўзросту», — сказала Краўчанка.
Курсы разлічаны на дзве акадэмічныя гадзіны два разы на тыдзень на працягу трох месяцаў. На іх будуць прымацца не толькі пенсіянеры па ўзросце, але і тыя, хто выйшаў на пенсію па іншых падставах. «Курсы будуць весці нашы маладыя бібліятэчныя супрацоўнікі, якія нядаўна скончылі навучальныя ўстановы і добра валодаюць камп’ютарнай тэхнікай», — адзначыла дырэктар сістэмы бібліятэк. Паводле яе слоў, у групах будзе не больш за пяць слухачоў.
Падчас курсаў слухачы даведаюцца пра агульную будову камп’ютара, навучацца выкарыстоўваць базавыя офісныя дадаткі на пачатковым узроўні, працаваць у інтэрнэце, шукаць інфармацыю, працаваць з парталамі дзяржаўных службаў, набываць тавары і паслугі праз інтэрнэт, браніраваць гасцініцы і білеты.
Самі курсы будуць бясплатныя для слухачоў. Аплата, паводле слоў Краўчанкі, магчыма, будзе збірацца толькі за адну гадзіну карыстання камп’ютарам у памеры каля 1.200 рублёў.
Як адзначыла дырэктар сістэмы бібліятэк, калі слухачы паспяхова будуць праходзіць курсы камп’ютарнага навучання, у далейшым ім можа быць прапанавана авалоданне Photoshop і іншымі камп’ютарнымі праграмамі. Пры пастаяннай наяўнасці жадаючых паступіць на курсы бібліятэкі будуць арганізоўваць іх кожныя тры месяцы.
Цяпер чытаюць
«Свінні зарохкалі. Без вады даўно не сядзелі, я б ім адключыў». Азаронак абрынуўся на жыхароў раёна Лебядзіны20
Каментары