Mahiloŭskija biblijateki arhanizujuć kursy kampjutarnaha navučańnia dla piensijanieraŭ
U piaci biblijatekach Mahilova 1 kastryčnika adkryjucca kursy kampjutarnaha navučańnia dla piensijanieraŭ.
Jak paviedamiła dyrektar Centralizavanaj sistemy dziaržaŭnych publičnych biblijatek Mahilova Halina Kraŭčanka, rašeńnie ab adkryćci kursaŭ było pryniata paśla manitorynhu hramadskaj dumki, praviedzienaha biblijatekami viasnoj hetaha hoda. «U prapanovach mahilaŭčan była prośba adkryć kursy kampjutarnaha navučańnia dla ludziej piensijnaha ŭzrostu», — skazała Kraŭčanka.
Kursy raźličany na dźvie akademičnyja hadziny dva razy na tydzień na praciahu troch miesiacaŭ. Na ich buduć prymacca nie tolki piensijaniery pa ŭzroście, ale i tyja, chto vyjšaŭ na piensiju pa inšych padstavach. «Kursy buduć vieści našy maładyja biblijatečnyja supracoŭniki, jakija niadaŭna skončyli navučalnyja ŭstanovy i dobra vałodajuć kampjutarnaj technikaj», — adznačyła dyrektar sistemy biblijatek. Pavodle jaje słoŭ, u hrupach budzie nie bolš za piać słuchačoŭ.
Padčas kursaŭ słuchačy daviedajucca pra ahulnuju budovu kampjutara, navučacca vykarystoŭvać bazavyja ofisnyja dadatki na pačatkovym uzroŭni, pracavać u internecie, šukać infarmacyju, pracavać z partałami dziaržaŭnych słužbaŭ, nabyvać tavary i pasłuhi praź internet, braniravać haścinicy i bilety.
Sami kursy buduć biaspłatnyja dla słuchačoŭ. Apłata, pavodle słoŭ Kraŭčanki, mahčyma, budzie źbiracca tolki za adnu hadzinu karystańnia kampjutaram u pamiery kala 1.200 rubloŭ.
Jak adznačyła dyrektar sistemy biblijatek, kali słuchačy paśpiachova buduć prachodzić kursy kampjutarnaha navučańnia, u dalejšym im moža być prapanavana avałodańnie Photoshop i inšymi kampjutarnymi prahramami. Pry pastajannaj najaŭnaści žadajučych pastupić na kursy biblijateki buduć arhanizoŭvać ich kožnyja try miesiacy.
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary