Аб гэтым паведаміў журналістам надзвычайны і паўнамоцны пасол Таджыкістана ў Беларусі Казідаўлат Каімдодаў, які прымаў удзел у сустрэчы беларускіх і таджыкскіх парламентарыяў у палаце прадстаўнікоў нацыянальнага сходу ў Мінску.
«Зараз многія грамадзяне Таджыкістана працуюць на беларускай зямлі, вырошчваюць гародніну і садавіну, ствараюць невялікія фермы па вытворчасці мясной прадукцыі. У нас вельмі шмат добрых спецыялістаў у галіне сельскай гаспадаркі, таму і з’явілася ідэя стварыць тут свой аграгарадок», — распавёў пасол.
Кажучы аб супрацоўніцтве паміж двума краінамі, Казідаўлат Каімдодаў падкрэсліў, што з кожным годам яно ўмацоўваецца. Калі ў мінулым годзе тавараабарот паміж Беларуссю і Таджыкістанам складаў $ 47,6 млн., то па выніках першага паўгоддзя 2011 года ён дасягнуў ужо больш як $40 млн.
Цяпер чытаюць
Загінуў беларускі добраахвотнік Васіль «Дзір» Рапіцкі10
Каментары