Прэзідэнт Украіны Уладзімір Зяленскі пракаментаваў маштабную атаку беспілотнікаў на Маскву і Падмаскоўе, якая адбылася ў ноч на 17 мая. Ён назваў гэтыя ўдары «далёкабойнымі санкцыямі» і справядлівым адказам на расійскі тэрор.
Зяленскі падкрэсліў, што начныя ўдары з'яўляюцца законным адказам Украіны на зацягванне вайны Расіяй і пастаянныя абстрэлы ўкраінскіх гарадоў і вёсак.
«Цалкам справядлівыя нашы адказы на расійскае зацягванне вайны і ўдары па нашых гарадах і грамадах. Гэтым разам украінскія далёкабойныя санкцыі дасягнулі Маскоўскага рэгіёна, і мы выразна кажам расіянам: іх дзяржава павінна скончыць сваю вайну», — напісаў ён.
Прэзідэнт Украіны адзначыў, што ўкраінскія дроны змаглі пераадолець адлегласць у больш чым 500 кіламетраў ад дзяржаўнай мяжы і паспяхова паразіць цэлі, нягледзячы на тое, што ў Маскоўскім рэгіёне разгорнута самая вялікая канцэнтрацыя расійскіх сіл супрацьпаветранай абароны.
«Украінскія вытворцы дронаў і ракет працягваюць сваю працу. Удзячны СБУ і ўсім Сілам абароны Украіны за дакладнасць. Адлегласць ад дзяржаўнай мяжы Украіны — больш за 500 км. Канцэнтрацыя расійскай СПА ў Маскоўскім рэгіёне — самая вялікая. Але перамагаем», —напісаў ён.
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку8
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары
Все время все сслылаются, что Русские хотят войны при этом в РФ нет независимых исследований. "1000 говорящих голов" Зеленского делают свое дело