Беларускі інфармацыйна-культурны цэнтр у Эстоніі запрашае сяброў з Беларусі, з беларускіх асяродкаў іншых краін да сабе. Мы прапануем развітацца з летам 2012 года на беразе Балтыйскага мора, на прыродзе, у "Намётавым мястэчку беларускай культуры".
дзе Эстонія, 40 км ад Таліна, у кемпінгу на беразе мора.
што Намётавае мястэчка беларускай культуры.
калі З 30 жніўня па 2 верасня 2012 года.
За 40 кіламетраў ад Таліна ёсць казачна прыгожае месца, на паўвыспе Пакры, каля гораду Палдзіскі. Тут ёсць усё неабходнае для добрага адпачынку і натхнення: маяк, абрывы і пляжы, ветравыя электрагенератары, лес, паркоўка, абсталяваныя месцы для вогнішчаў, рэстарацыі і басэйн, ровары напракат. Застаецца толькі паставіць намёт і добра бавіць час.
Плюс галоўнае - добрая кампанія.
Мы чакаем дзеячоў беларускай культыры (музыкаў, мастакоў, паэтаў, пісменнікаў, журналістаў, актораў і рэжысёраў, гісторыкаў і краязнаўцаў), славутых творцаў, але і пачаткоўцаў, ды аматараў беларушчыны. Не так часта ў жыцці выпадае мажлівасць пасваволіць на прыродзе ля вогнішча, падняць кілішак-другі, паспяваць, пачытаць вершы, абмеркаваць творы, зрабіць эцюды. Карацей, атрымаць натхненне.
Узгадаем дзяцінства, піянерскія лагеры, куды нас адпраўлялі бацькі!
У нас з'явіцца магчымасць прадэманстраваць жыхарам Эстоніі, што Беларусь — гэта не толькі трактары, МАЗы і праблемы ў палітыцы. Найперш, Беларусь — гэта еўрапейская культура, якая грунтуецца на еўрапейскіх каштоўнасцях, якая ўзбагачае культуру Еўропы сваімі нацыянальнымі адметнасцямі.
Мы маем вялізарнае жаданне ператварыць гэты гарадок у штогадовы фестываль. Але для гэтага трэба з чагосці пачаць! Прыязджайце, пачнем разам!
Мы можам дапамагчы ў атрыманні візы (спадзяемся, што яна будзе бясплатнай), даць месца для наметаў, дапамагчы з арганізацыяй канцэртаў ці выставаў у Таліне (у залежнасці ад пажадання гасцей).
Праграма мерапрыемства:
30 жніўня
9-00 - сустрэча гасцей ў Таліне (аўтавакзал). Экскурсія па Старым горадзе.
13-00 - "Беларускі велапрабег" Талін-Палдзіскі (для тых, хто жадае)
17-00 - урачыстае адкрыццё "Намётавага мястэчка беларускай культуры".
31 жніўня
10-00 - вандроўка да маяка і скалаў
14-00 - 2-гі дзень фестывалю
1 верасня
10-00 - паездка ў Талін, сустрэча са СМІ.
18-00 - 3-ці дзень фестывалю
2 верасня
10-00 - паездка ў Талін (экскурсія)
17-00 - адкрыццё "Беларускай выставы" ў цэнтральнай бібліятэцы Таліна (аддзел замежнай літаратуры). Габелены Святланы Баранкоўскай, беларускія кнігі, падпісаныя аўтарамі, падзелкі вучняў беларускай нядзельнай школы імя Караткевіча ў Таліне.
21-00 - ад'езд (аўтавакзал Талін)
Кантакты:
каардынатар Артур Цурбакоў - сябар праўлення НДА Беларускі інфармацыйна-культурны цэнтр
тэлефон +372-5555-43-40
скрыня [email protected]
старонка MTU Valgevene Info- ja Kultuurikeskus Eestis (VIKE)
партнёрская арганізацыя ў Беларусі - МХСС "Маладыя дэмакраты"
каардынатар Аляксандр Сушкевіч - старшыня
+375 29 325-96-44
+375 33 604-66-82
skype: shumkevich
